ಫಿರ್ಗಜೆಕ್ ಗೊವ್ಳಿಕ್ ಭೆಟ್ ದಿಲ್ಲ್ಯಾ ಸಂದರ್ಭಾರ್ ಆಜ್ ಸಾಂಜೆರ್ ಹೊಸಾಳ್ ಸಾಂ ಸೆಬಸ್ತ್ಯಾಂವ್ ವಾಡ್ಯಾಂತ್ ಚಲ್ಲ್ಲ್ಯಾ ವಾಡ್ಯಾ ಜಮಾತೆಕ್ ಗೊವ್ಳಿ ಬಾಪ್ ಅ| ಮಾ| ದೊ| ಜೆರಾಲ್ಡ್ ಐಸಾಕ್ ಲೋಬೊ ಹಾಜರ್ ಜಾಲೆ. ತಾಂಚೆ ಬರಾಬರ್ ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾ, ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್, ಕಾರ್ಯದರ್ಶಿ, ಆಯೊಗಾಂಚೊ ಸಂಯೋಜಕ್, ಫಿರ್ಗಜೆಚ್ಯಾ ಧರ್ಮ್ ಸಭೆಚೊ ಮುಳಾವೊ ಸಮುದಾಯೆಚಿ ಸಂಚಾಲಕಿ ಮಾನೆಸ್ತಿಣ್ ಶ್ವೇತಾ ಪಿಂಟೊ ಹಾಜರ್ ಆಸ್ಲ್ಲಿಂ. ಗುರ್ಕಾರ್ ಮಾನೆಸ್ತಿಣ್ ವಿವೆಟ್ ಲುವಿಸಾಚ್ಯಾ ಮುಖೇಲ್ಪಣಾರ್ ವಾಡ್ಯಾ ಜಮಾತ್ ಚಲ್ಲಿ. ಗೊವ್ಳಿ ಬಾಪಾಂನಿ ಜಮಾತೆಚ್ಯಾ ಅಖ್ರೇಕ್ ಉಲೊವ್ನ್ ಆಪ್ಲೊ ಸಂತೋಸ್ ಉಚಾರ್ಲೊ, ಜಮಾತೆಂತ್ ಲೊಕಾಚಾ ಮ್ಹೆತೆರ್ಪಣಾ ಥಂಯ್ ಹೊಗ್ಳಿಕ್ ಉಚಾರ್ಲಿ ಆನಿ ಎಕಾಮೆಕಾಂಚಾ ಗರ್ಜಾಂಕ್ ಪಾಂವ್ಚೆ ಮಾರಿಫಾತ್ ಧರ್ಮ್ ಸಭೆಚೊ ಮುಳಾವೊ ಸಮುದಾಯ್ ಬಾಂದುನ್ ಹಾಡುಂಕ್ ಉಲೊ ದಿಲೊ. ಹಿ ಜಮಾತ್ ಮಾನೆಸ್ತ್ ಸ್ಟ್ಯಾನಿ ಲುವಿಸಾಚ್ಯಾ ಘರಾ ಚಲ್ಲಿ.
Pictures by : Herbert Menezes, Barkur