ಆಜ್ (ದಶೆಂಬರ್ 16, 2025) ಸಾಂ ಪೆದ್ರುಕ್ ಸಮರ್ಪಿಲ್ಲ್ಯಾ ಬಾರ್ಕುರ್ ಫಿರ್ಗಜೆಂತ್, ಫಿರ್ಗಜ್ ಫೆಸ್ತಾಚೊ ಪಯ್ಲೊ ವಾಂಟೊ, ಭೆಸ್ಪಾಚೊ ಸಂಭ್ರಮ್ ಭೋವ್ ವ್ಹಡಾ ಗದ್ದಳಾಯೆನ್ ಚಲ್ಲೊ. ಹಾಚೆಂ ಮುಖೇಲ್ಪಣ್ ಅ| ಮಾ| ದೊ| ಹೆನ್ರಿ ಡಿಸೋಜ (ಬಳ್ಳಾರಿ ದಿಯೆಸೆಜಿಚೆ ಭಿಸ್ಪ್ ತಶೆಂಚ್ ICYMಚೆಂ ಸ್ಥಾಪಕ್ ದಿರೆಕ್ತೊರ್) ಹಾಣಿಂ ವಹಿಸಿಲ್ಲೆಂ. ವಾರಾಡ್ಯಾಚ್ಯೆ ಆನಿ ಸಯ್ರ್ಯಾ ಯಾಜಕಾಂ ಸಂಗಿಂ ವೆದಿ ಸೊಭ್ತಾಲಿ. ಆಪುರ್ಬಾಯೆಚೊ ಸಂದೇಶ್ ಆನಿ ಆಶೀರ್ವಾದಾಂ ಮುಖಾಂತ್ರ್ ಹಾಜರ್ ಆಸ್ಲ್ಲ್ಯಾ ಭಕ್ತಿಕಾಂನಿ ಭರ್ಪೂರ್ ಅತ್ಮಿಕ್ ಫಾಯ್ದೊ ಜೊಡ್ಲೊ.
49 ವರ್ಸಾಂ ಪಯ್ಲೆಂ ಆತಾಂಚೆ ಬಳ್ಳಾರಿಚೆ ಭಿಸ್ಪ್ ತ್ಯಾ ವೆಳಾರ್ ಬಾರ್ಕುರ್ ಫಿರ್ಗಜೆಂತ್ ಸಹಾಯಕ್ ವಿಗಾರ್ ಜಾವ್ನಾಸ್ತಾನಾ, ತಾಣಿಂ ICYMಚೆಂ ಬಿಂ ವೊಂಪ್ಲ್ಲೆಂ. ಆಜ್ ತಾಣಿಂ ICYM golden jubilee ವರ್ಸಾಚೆಂ ಉದ್ಘಾಟನ್ ಕೆಲೆಂ. ಹ್ಯಾ ಉದ್ಘಾಟನ್ ಕಾರ್ಯಾಕ್ ICYM ಘಟಕಾಚೆ ಪ್ರಸ್ತುತ್ ಹುದ್ದೆದಾರ್ ಆನಿ ಸಾಂದೆ ತಶೆಂಚ್ ICYM golden jubilee committeeಚೆ ಅಧ್ಯಕ್ಷ್ ಆನಿ ಸಾಂದೆ ಹಾಜರ್ ಆಸ್ಲ್ಲೆ.
Photos by : Ashish Andrade
