ಆಜ್ ಗೊವ್ಳಿಕ್ ಭೆಟೆಚೊ ತಿಸ್ರೊ ಆನಿ ನಿಮಾಣೊ ದೀಸ್. ಸಕಾಳಿಂಚಾ ವೆಳಾರ್ ಫಿರ್ಗಜೆಚ್ಯಾ ಮಾಲ್ಘಡ್ಯಾಂಚಿ ಭೆಟ್ ಕರ‌್ಚೆಂ ಕಾರ್ಯೆಂ ಆಸ್‌ಲ್ಲೆಂ. ತ್ಯಾ ಪ್ರಕಾರ್ ಗೊವ್ಳಿ ಬಾಪಾಂನಿ ಹೊಸಾಳ್ ವಾಡ್ಯಾಚೊ ನಿವೃತ್ತ್ ಗುರ್ಕಾರ್ ಮಾನೆಸ್ತ್ ಜೋಸೆಫ್ ಪಿಂಟೊ ತಶೆಂಚ್ ಹನೆಹಳ್ಳಿ ವಾಡ್ಯಾಚಿ ಮಾನೆಸ್ತಿಣ್ ಸಿಸಿಲಿಯಾ ಡಿ'ಕೋಸ್ಟಾ ಹಾಂಕಾಂ ಭೆಟ್ ದೀವ್ನ್, ತಾಂಕಾಂ ಬರೆಂ ಮಾಗೊನ್ ಗೌರವ್ ದಿಲೊ. ತಾಂಚೆರ್ ದೆವಾಚಿಂ ಆಶೀರ್ವಾದಾಂ ಮಾಗ್ಲಿಂ. ವಿಗಾರ್ ಬಾಪಾಂನಿ ತಾಂಕಾಂ ಸಾಂಗಾತ್ ದಿಲೊ.
ಉಪ್ರಾಂತ್ ಫಿರ್ಗಜೆಚ್ಯಾ ಮುಕೆಲ್ಯಾಂ ಸಂಗಿಂ ಮೆರಿನೊಲ್ ಹೈಯರ್ ಪ್ರೈಮರಿ ಇಸ್ಕೊಲಾಚಿ ಭೆಟ್ ಕೆಲಿ. ಮುಖೆಲ್ ಮೆಸ್ತಿರ್ಣ್ ಮಾನೆಸ್ತಿಣ್ ಜೋಯ್ಸ್ ವಂದನಾ ಡೆಸಾ ತಶೆಂಚ್ ಇತರ್ ಶಿಕ್ಷಕಾಂ ಆನಿ ವಿದ್ಯಾರ್ಥಿ ಸಂವೆಂ ವಿಚಾರ್ ವಿನಿಮಯ್ ಚಲಯ್ಲೊ. ಭುರ್ಗ್ಯಾಂಕ್ ತಾಂಚ್ಯಾ ಫುಡಾರಾಕ್ ಜಾಯ್ ಪಡ್ಚಿಂ ಸಲಹಾ ಸೂಚನಾಂ ದೀವ್ನ್ ಉತ್ತೇಜನ್ ದಿಲೆಂ. ಹ್ಯಾ ವೆಳಾರ್ ಫಿರ್ಗಜೆಚೆ ವಿಗಾರ್ ತಶೆಂಚ್ ಇಸ್ಕೊಲಾಚೆ ಸಂಚಾಲಕ್ ಜಾವ್ನಾಸ್ಚ್ಯೆ ಮಾನಾದಿಕ್ ರೊನಾಲ್ಡ್ ಮಿರಾಂದಾ ಬಾಪಾಂನಿ ಸಾಂಗಾತ್ ದಿಲೊ.
Pictures by : Herbert Menezes, Barkur
