ಆಜ್ (ಸನ್ವಾರ್, 12/04/25) ಬಾರ್ಕುರ್ ಫಿರ್ಗಜೆಂತ್ ಆಯೋಜನ್ ಕೆಲ್ಲೆಂ ಕಲ್ಲ್ಯಾಣ್ಪುರ್ ವಾರಾಡ್ಯಾ ಮಟ್ಟಾರ್ ಯುವಜಣಾಂಚೆ ತೈಜೆ ಮಾಗ್ಣೆಂ ಯಶಸ್ವೆನ್ ಚಲ್ಲೆಂ. ಹ್ಯಾ ಮಾಗ್ಣ್ಯಾಂತ್ ಬಾರ್ಕುರ್ ಫಿರ್ಗೆಜೆಚ್ಯಾ ಯುವಜಣಾ ಬರಾಬರ್ ಇತರ್ ಫಿರ್ಗಜೆಚ್ಯಾ ಲಗ್ಬಗ್ 70 ಯುವಜಣಾಂನಿ ಭಾಗ್ ಘೆವ್ನ್ ಅತ್ಮಿಕ್ ಫಾಯ್ದೊ ಜೊಡ್ಲೊ.
ಹೆಂ ಮಾಗ್ಣೆಂ ಬ್ರದರ್ ಡೆರಿಕ್ ಮಸ್ಕರೇನ್ಹಸ್ ಹಾಣಿಂ ಚಲೊವ್ನ್ ವ್ಹೆಲಿ. ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾ, ಬಾಪ್ ಫಿಲಿಪ್ ನೇರಿ ಆರಾನ್ಹಾ, ಐಸಿವೈಮ್ ಸಚೇತಕ್ ಜೊನ್ಸನ್ ದಾಲ್ಮೇದಾ, ಅಧ್ಯಕ್ಷ್ ರಿಯಾನ್ ಆರೋಜಾ ಆನಿ ಸಾಂದೆ ಹ್ಯಾ ರೆತಿರೆಕ್ ಹಾಜರ್ ಆಸ್ಲ್ಲಿಂ. ಮಾನೆಸ್ತ್ ರೆನ್ಸನ್ ಮಸ್ಕರೇನ್ಹಸ್, ಕೊಳಲ್ಗಿರಿ ಹಾಣಿಂ ವಾಜಂತ್ರಾಂ ಆನಿ ಗಾಯನಾಂ ಮುಖಾಂತ್ರ್ ಮಾಗ್ಣ್ಯಾಕ್ ಆಧಾರ್ ದಿಲೊ.
Pictures by : Herbert Menezes & Rishon Barnes, Barkur
