ಸಾಂ. ವಿಶೆಂತ್ ಪಾವ್ಲ್
ಆಜ್ ಬಾರ್ಕುರ್ ಫಿರ್ಗಜೆಂತ್ ಸಾಂತ್ ವಿಶೆಂತ್ ಪಾವ್ಲ್ ಸಭೆಚ್ಯಾ ಸಾಂದ್ಯಾಂನಿ ತಾಂಚ್ಯಾ ಪಾತ್ರೊನ್ ಸಾಂತಾಚೆಂ ಫೆಸ್ತ್ ಆಚರಣ್ ಕೆಲೆಂ. ಮಿಸಾಚಿ ಲಿತುರ್ಜಿ ಸರ್ವ್ ಸಾಂದ್ಯಾಂನಿ ಚಲವ್ನ್ ವ್ಹೆಲಿ. ಮಿಸಾ ಉಪ್ರಾಂತ್ ಫಿರ್ಗಜೆಚ್ಯಾ ಮಿನಿ ಹೊಲಾಂತ್ ಸಭಾ ಕಾರ್ಯೆಂ ಚಲ್ಲೆಂ. ಹ್ಯಾ ಕಾರ್ಯಾಕ್ ಫಿರ್ಗಜ್ ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾ, ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಮಾನೆಸ್ತ್ ಜೋಸೆಫ್ ಫೆರ್ನಾಂಡಿಸ್, ಗೊವ್ಳಿಕ್ ಆಯೊಗಾಂಚೊ ಸಂಯೋಜಕ್ ಮಾನೆಸ್ತ್ ಹೆರಾಲ್ಡ್‌ ಡಿಸೋಜ ಆನಿ ಕೊವೆಂತಾಚಿ ವ್ಹಡಿಲ್ನ್ ಸಿಸ್ಟರ್ ಜಾಸ್ಮಿತಾ ಕ್ರಾಸ್ತಾ ಹಾಜರ್ ಆಸ್‌ಲ್ಲಿಂ.
ಸುರ್ವೆರ್ ಮಾನೆಸ್ತ್ ಜೆರೊಮ್ ಫೆರ್ನಾಂಡಿಸ್ ಹಾಣಿಂ ಮಾಗ್ಣ್ಯಾ ವಿಧಿ ಚಲವ್ನ್ ವ್ಹೆಲಿ. ಅಧ್ಯಕ್ಷಿಣ್ ಮಾನೆಸ್ತಿಣ್ ಲೀನಾ ಫೆರ್ನಾಂಡಿಸ್ ಹಿಣೆಂ ಹಾಜರ್ ಜಾಲ್ಲ್ಯಾ ಸರ್ವಾಂಕ್ ವರ‌್ತ್ಯಾ ಮೊಗಾನ್ ಸ್ವಾಗತ್ ಕೆಲೊ. ಮಾನೆಸ್ತ್ ಜೋಸೆಫ್ ಫೆರ್ನಾಂಡಿಸ್ ಆನಿ ಮಾನೆಸ್ತ್ ಹೆರಾಲ್ಡ್‌ ಡಿಸೋಜಾನ್ SVP ಸಾಂದ್ಯಾಂನಿ ಫಿರ್ಗಜೆಕ್ ದಿಂವ್ಚಾ ಸೆವೆ ವಿಶ್ಯಾಂತ್ ಹೊಗ್ಳಿಕ್ ಉಚಾರ‌್ಲಿ ಆನಿ ತಾಂಚೊ ಉಪ್ಕಾರ್ ಬಾವುಡ್ಲೊ.
ವಿಗಾರ್ ಬಾಪಾಂನಿ ಆಪ್ಲ್ಯಾ ಸಂದೇಶಾಂತ್ SVP ಸಂಘಾಂತ್ ಸಾಂದೆಪಣ್ ಚಡಂವ್ಚಾ ವಿಶ್ಯಾಂತ್, ಹಾಜರ್ ಆಸ್‌ಲ್ಲ್ಯಾ ಸರ್ವ್ ಗುರ್ಕಾರಾಂಕ್ ಉಲೊ ದಿಲೊ. ಮಿಸಾ ವೆಳಾರ್ ವಾರ್ಷಿಕ್ ವಾವ್ರಾಚೊ ತಶೆಂಚ್ ಲೇಕ್-ಪಾಕಾಚೊ ವಿವರ್ ಮಾನೆಸ್ತ್ ಮ್ಯಾಕ್ಸಿಮ್ ಸಿಕ್ವೇರಾ ಹಾಣಿಂ ಲೊಕಾ ಹುಜಿರ್ ದವರ‌್ಲೊ. ಕಾರ್ಯಕ್ರಮಾಚಾ ಅಕೇರಿಕ್ ಮಾನೆಸ್ತಿಣ್ ಲೀನಾ ಫೆರ್ನಾಂಡಿಸಾನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ.
