ಆಜ್ ಬಾರ್ಕುರ್ ಸಾಂ. ಪೆದ್ರು ಫಿರ್ಗಜೆಂತ್ ಸಾಂ. ಪಾದ್ರೆ ಪಿಯೊಕ್ ಸಮರ್ಪಿಲ್ಲ್ಯಾ ಕೊಪೆಲಾಚೊ ಪಯ್ಲೊ ವರ್ಸುಗೆ ದೀಸ್ ಸಂಭ್ರಮ್ಲೊ. ಹ್ಯಾಚ್ ವೆಳಾರ್ ಹೊ ದೀಸ್ ಭಾಗೆವಂತ್ ಪಾದ್ರೆ ಪಿಯೊಚ್ಯಾ ನೊವೆನಾಚೊ ದೀಸ್ ಜಾಲ್ಲ್ಯಾನ್, ಫೆಸ್ತ್ 23 ತಾರಿಕೆರ್ ತರ್‌ಯೀ ಆಜ್‌ಚ್ ಭೋವ್ ದಬಾಜೆನ್ ತಾಚೆಂ ಫೆಸ್ತ್ ಸಂಭ್ರಮ್ಲೆಂ. ಸಾಂಜೆರ್ 4.30 ವರಾರ್ ಪಾದ್ರೆ ಪಿಯೊಚೆಂ ನೊವೆನ್ ಬಾಪ್ ರೊಲ್ವಿನ್ ಫೆರ್ನಾಂಡಿಸ್ ಹಾಣಿಂ ಚಲವ್ನ್ ವ್ಹೆಲೆಂ. ಉಪ್ರಾಂತ್ ಫೆಸ್ತಾಚ್ಯಾ ಮುಡ್ದೊಮಾಂಕ್ ವಿಗಾರ್ ರೊನಾಲ್ಡ್ ಮಿರಾಂದಾ ಹಾಣಿಂ ಮಾನಾಚಿ ವಾತಿ ವಾಂಟ್ಲ್ಯೊ. ಆನಿ ತ್ಯಾ ಉಪ್ರಾಂತ್ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಕಾಪುಚಿನ್ ಫ್ರಾದ್ ಚಾರ್ಲ್ಸ್ ಫುರ್ಟಾಡೊ ಬಾಪಾಂನಿ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಭೆಟವ್ನ್ ಆಪುರ್ಬಾಯೆಚೊ ಪ್ರಸಂಗ್ ದಿಲೊ.
ಮಿಸಾ ಉಪ್ರಾಂತ್ ಸರ್ವ್ ಭಕ್ತಿಕಾಂಕ್ ಕಾಫಿ-ಫಳ್ಹಾರಾಚಿ ವೆವಸ್ಥಾ ಕೆಲ್ಲ್ಯಾ ಸಿಡ್ನಿ ಲುವಿಸ್, ತಶೆಂಚ್ ಸಾಂ. ಪಾದ್ರೆ ಪಿಯೊ ಕೊಪೆಲಾಚ್ಯಾ ಡೆಕೊರೆಟಿವ್ ನಳ್ಯಾಂಚ್ಯಾ ಪೇಂಯ್ಟಿಂಗಾಚೆ ಪೋಷಕ್ ರಾವ್‌ಲ್ಲ್ಯಾ ಎಡ್ನಾ-ದಿವ್ಯಾನಂದ್ ಗೊನ್ಸಾಲ್ವಿಸ್ ಹಾಂಕಾಂ ಮಾನಾಚಿ ವಾತ್ ದೀವ್ನ್ ಮಾನ್ ಕೆಲೊ.
ನಾಂವ್ ಪರ್ಗಟುಂಕ್ ಆಶೆನಾತ್‌ಲ್ಲೊ ಬ್ರಹ್ಮಾವರ್ ಫಿರ್ಗಜೆಚೊ ಪಾದ್ರೆಪಿಯೊಚೊ ಏಕ್ ಭಕ್ತಿಕ್ ಫೆಸ್ತಾಚೊ ಮುಕೆಲ್ ಪಿರ್ಜೆಂತ್ ರಾವ್‌ಲ್ಲೊ.
