ಕಾಲ್ (ಸಪ್ಟೆಂಬರ್ 1, 2024) ದನ್ಪಾರಾ 3:00 ವರಾರ್ ಫಿರ್ಗಜ್ ಘರ್ಚಾ ವಯ್ಲ್ಯಾ ಸಾಲಾಂತ್ ಕಥೊಲಿಕ್ ಸಭಾ ಪ್ರಾಯೋಜಿತ್ ವರ್ಸಾಳೊ ಭಾಷಣ್ ಸ್ಪರ್ದೊ ಚಲವ್ನ್ ವ್ಹೆಲೊ.
ಉಗ್ತಾವಣ್ ವೆದಿ ಕಾರ್ಯಾಂತ್ ಘಟಕ್ ಅಧ್ಯಕ್ಷ್ ಮಾನೆಸ್ತ್ ಪಿಯುಸ್ ಜೇಮ್ಸ್ ಡಿಸೋಜಾ ಹಾಣಿಂ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ. ಅಧ್ಯಕ್ಷ್ಸ್ಥಾನ್ ಸೊಭಯಿಲ್ಲ್ಯಾ ಫಿರ್ಗಜ್ ವಿಗಾರ್ ರೊನಾಲ್ಡ್ ಮಿರಾಂದಾ ಬಾಪಾಂನಿ ಆಪ್ಲ್ಯಾ ಮಟ್ವ್ಯಾ ಸಂದೇಶಾಂತ್ ಸರ್ವ್ ಸ್ಪರ್ಧಿಕ್ ಭುರ್ಗ್ಯಾಂಕ್ ಬರೆಂ ಮಾಗ್ಲೆಂ. ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಕಾರ್ಯದರ್ಶಿ ಮಾನೆಸ್ತ್ ಎರಿಕ್ ಸೋನ್ಸ್ ಆನಿ ಘಟಕ್ ಕಾರ್ಯದರ್ಶಿ ಮಾನೆಸ್ತ್ ರಿಪ್ಪನ್ ಡಿಸೋಜಾ, ತಶೆಂಚ್ ಭಾಷಣ್ ಸ್ಪರ್ಧ್ಯಾಚೆ ವರಯ್ಣಾರ್ ಮಾನೆಸ್ತ್ ಪ್ರಕಾಶ್ ಡಿಸೋಜಾ-ಕೆಮ್ಮಾಣ್, ಮಾನೆಸ್ತಿಣ್ ಲಿನೆಟ್ ಮಥಾಯಸ್-ಕೊಳಲಗಿರಿ ಆನಿ ಸಿಎ ಆ್ಯಂಡ್ರಿಯಾ ಲುವಿಸ್-ಪೇತ್ರಿ ಹ್ಯಾ ವೆಳಿಂ ಹಾಜರ್ ಆಸ್ಲ್ಲೆ.
ಮಾನೆಸ್ತಿಣ್ ಆಲಿಸ್ ಡಿಸೋಜಾನ್ ವರಯ್ಣಾರಾಂಚಿ ವಳಕ್ ಕರ್ನ್ ದಿತಚ್ ಭಾಷಣ್ ಸ್ಪರ್ದೊ ಆರಂಬ್ ಜಾಲೊ. 7 ವಿಭಾಗಾಂನಿ ಫಿರ್ಗಜೆಚ್ಯಾ 38 ಭುರ್ಗ್ಯಾಂನಿ ಹಾಂತುಂ ವಾಂಟೊ ಘೆತ್ಲ್ಲೊ. ತೀನ್ ವಿಭಾಗ್ ಕನ್ನಡಾಂತ್ ಆನಿ ಚಾರ್ ವಿಭಾಗ್ ಕೊಂಕ್ಣೆಂತ್ ಆಸ್ಲ್ಲೆ. ಸ್ಪರ್ಧೊ ಸಂಪ್ತಚ್ ಸಿಎ ಆ್ಯಂಡ್ರಿಯಾ ಲುವಿಸಾನ್ ಸ್ಪರ್ಧ್ಯಾಚೆಂ ವಿಶ್ಲೇಷಣ್ ಚಲವ್ನ್ ವ್ಹೆಲೆಂ.
ಸಮಾರೋಪ್ ಕಾರ್ಯಾಚೆಂ ಅಧ್ಯಕ್ಷ್ಪಣ್ ಫಿರ್ಗಜ್ ಗೊವ್ಳಿಕ್ ಮಂಡಳಿಚ್ಯಾ ಉಪಾಧ್ಯಕ್ಷ್ ಮಾನೆಸ್ತ್ ಜೊಸ್ಸಿ ಫೆರ್ನಾಂಡಿಸ್ ಹಾಣಿಂ ಘೆತ್ಲ್ಲೆಂ. ಫಿರ್ಗಜ್ ಗೊವ್ಳಿಕ್ ಆಯೊಗಾಂಚೊ ಸಂಚಾಲಕ್ ಮಾನೆಸ್ತ್ ಹೆರಾಲ್ಡ್ ಡಿಸೋಜಾ ಮುಕೆಲ್ ಸಯ್ರೆ ಜಾವ್ನ್ ಹಾಜರ್ ಆಸ್ಲ್ಲೆ. ಘಟಕ್ ಖಜಾನ್ದಾರ್ ಮಾನೆಸ್ತ್ ಎರಿಕ್ ಸೊನ್ಸ್ ಹಾಣಿಂ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಅರ್ಗಾಂ ಗಿತಾ ಸವೆಂ ಕಾರ್ಯೆಂ ಸಂಪ್ಲೆಂ. ವಿವೆಟ್ ಲುವಿಸ್ ಹಿಣೆಂ ಸಗ್ಳೆಂ ಕಾರ್ಯೆಂ ನಿರ್ವಹಣ್ ಕೆಲೆಂ.
