ಆಜ್ (ಆಯ್ತಾರ್, 09/02/25) ಫಿರ್ಗಜೆಂತ್ ಪೊಂತಿಫಿಕಾಲ್ ಮಿಶನರಿ ಮೆಳಾಚ್ಯಾ ಭುರ್ಗ್ಯಾಂಚೆೊ ದೀಸ್ ಅರ್ಥಾಭರಿತ್ ರಿತಿನ್ ಆಚರಣ್ ಕೆಲೊ. ಸಕಾಳಿಂಚ್ಯಾ ದುಸ್ರ್ಯಾ ಮಿಸಾಚಿ ಲಿತುರ್ಜಿ ಪೊಂತಿಫಿಕಾಲ್ ಮೆಳಾಚಾ ಭುರ್ಗ್ಯಾಂನಿ ಸಾಂಬಾಳ್‌ಲ್ಲಿ. ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾ ಹಾಣಿಂ ಮಿಸಾಚೆಂ ಬಲಿದಾನ್ ಭೆಟವ್ನ್ ಆಪುರ್ಬಾಯೆಚೊ ಪ್ರಸಂಗ್ ದಿಲೊ.
ಮಿಸಾ ಉಪ್ರಾಂತ್ ಫಿರ್ಗಜ್ ಘರ‌್ಚಾ ಮಿನಿ ಹೊಲಾಂತ್ ಪೊಂತಿಫಿಕಾಲ್ ಮೆಳಾಚಾ ಭುರ್ಗ್ಯಾಂಚೆಂ ಸಹಮಿಲನ್ ಮಾಡುನ್ ಹಾಡ್‌ಲ್ಲೆಂ. ಸುರ್ವೆರ್ ಸರ್ವ್ ಭುರ್ಗ್ಯಾಂಕ್ ಪೀವನಾಚಿ ವೆವಸ್ತಾ ಕೆಲ್ಲಿ. 11:15 ವರಾರ್ ಮಟ್ವೆಂ ವೆದಿ ಕಾರ್ಯೆಂ ಗಿತಾದ್ವಾರಿಂ ಆರಂಭ್ ಜಾಲೆಂ.
ವಿಗಾರ್ ಮಾನಾದಿಕ್ ಬಾಪ್ ರೊನಾಲ್ಡ್ ಮಿರಾಂದಾ ಹಾಂಚ್ಯಾ ಅಧ್ಯಕ್ಷ್‌ಪಣಾರ್ ಚಲ್‌ಲ್ಲ್ಯಾ ಹ್ಯಾ ಕಾರ್ಯಾಕ್, ಗೊವ್ಳಿಕ್ ಆಯೊಗಾಂಚೊ ಸಂಯೋಜಕ್ ಮಾನೆಸ್ತ್ ಹೆರಾಲ್ಡ್ ಡಿಸೋಜ ಮುಖೆಲ್ ಸಯ್ರೆ ಜಾವ್ನ್ ಹಾಜರ್ ಆಸ್‌ಲ್ಲೆ.
ಸುವಾರ್ತಾ ಪರ್ಗಟ್ಣಿ ಆನಿ ಪ್ರಸಾರ್ ಆಯೊಗಾಚೊ ಸಂಚಾಲಕ್ ಮಾನೆಸ್ತ್ ಹರ್ಬರ್ಟ್ ಮಿನೇಜಸ್, ಕಾರ್ಯದರ್ಶಿ ಮಾನೆಸ್ತ್ ಜೊನ್ಸನ್ ದಾಲ್ಮೇದಾ ಆನಿ ಸಾಂದೊ ಮಾನೆಸ್ತ್ ಜಾಕೊಬ್ ಫೆರ್ನಾಂಡಿಸ್ ವೆದಿಕಾರ್ಯಾಚ್ಯಾ ಬಸ್ಕೆರ್ ಆಸ್‌ಲ್ಲೆ.
ಸುರ್ವೆರ್ ಶೊನಾನ್ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ. ಉಪ್ರಾಂತ್ ಪೊಂತಿಫಿಕಾಲ್ ಮೆಳಾಚಿ ವಾರ್ಷಿಕ್ ವರ್ದಿ ರಿಯಾನ್ ಫೆರ್ನಾಂಡಿಸಾನ್ ಸಭೆರ್ ದವರ‌್ಲಿ.
ಮುಕೆಲ್ ಸಯ್ರೊ ಮಾನೆಸ್ತ್ ಹೆರಾಲ್ಡ್ ಡಿಸೋಜ ಹಾಣಿಂ ಆಪ್ಲ್ಯಾ ಉಲೊವ್ಪಾಂತ್ ಪೊಂತಿಫಿಕಾಲ್ ಮೆಳಾಚಾ ಭುರ್ಗ್ಯಾಂಕ್ ಶುಭಾಶಯ್ ಪಾಟಯ್ಲೆಂ. ಉಪ್ರಾಂತ್ ತಾಣಿಂ ಚುಕಾನಾಸ್ತಾನಾ ಜಮಾತೆಕ್ ಹಾಜರ್ ಜಾಲ್ಲ್ಯಾ ಭುರ್ಗ್ಯಾಂಕ್ ಇನಾಮಾಂ ವಾಂಟ್ಲಿಂ.
ವಿಗಾರ್ ಬಾಪಾಂನಿ ಸಾಂತಾಂಚಿ ಜಿಣಿ ಆಟಾಪ್ಚಿ ‘ಭಾವಾರ್ಥಾಚಿ ಸಾಕ್ಸ್’ ಬೂಕ್ ಸರ್ವ್ ಭುರ್ಗ್ಯಾಂಕ್ ವಿತರಣ್ ಕರ‌್ನ್, ಆಪ್ಲ್ಯಾ ಅಧ್ಯಕ್ಷೀಯ್ ಭಾಷಣಾಂತ್ ತಾಂಕಾಂ ಪ್ರೋತ್ಸಾವಾನ್ ಭರ‌್ಲೆಂ ಆನಿ ಬರೊ ಫುಡಾರ್ ಮಾಗ್ಲೊ.
ಆಡ್ರಿಯನ್ ಕ್ರಾಸ್ತಾನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಚೆ ಸಂಗಿಂ ವೆದಿಕಾರ್ಯೆಂ ಅಕೆರ್ ಜಾಲೆಂ. ಅಕ್ರೇಕ್ ಸರ್ವ್ ಭುರ್ಗ್ಯಾಂಕ್ ಐಸ್ ಕ್ರೀಂ ದೀವ್ನ್ ತಾಂಕಾಂ ಸಂತೊಸಾಯ್ಲೆಂ.
Pictures by : Herbert Menezes, Barkur
