ಸೊಡ್ವೊಣ್ದಾರ್ ಜೆಜು ಕ್ರಿಸ್ತಾನ್ ಆಪ್ಲೆಂ ಕಷ್ಟ್ ಮರಣ್ ಸೊಸ್ಚ್ಯಾಕ್ ಜೆರುಜಲೆಮಾಕ್ ಜಯ್ತೆವಂತ್ ಪ್ರವೇಶ್ ದಿಲ್ಲೊ ಉಗ್ಡಾಸ್ ಕಾಡುನ್ ಆಜ್ (ಎಪ್ರಿಲ್ 13, 2025) ತಾಳಿಯಾಂಚೊ ಆಯ್ತಾರ್ ವ Palm Sunday ಭಕ್ತಿನ್ ಆನಿ ಸಂಭ್ರಮಾನ್ ಆಚರಣ್ ಕೆಲೊ.
ಬಾರ್ಕುರ್ ಸಾಂ ಪೆದ್ರುಕ್ ಸಮರ್ಪಿಲ್ಲ್ಯಾ ಫಿರ್ಗಜೆಂತ್ ಹೊ ಸಂಭ್ರಮ್ ಮಾನಾದಿಕ್ ಬಾಪ್ ವಿನ್ಸೆಂಟ್ ಕ್ರಾಸ್ತಾ (ಉಡುಪಿ ದಿಯೆಸೆಜಿಚ್ಯಾ ಶಿಕ್ಷಣ್ ಸಂಸ್ಥ್ಯಾಂಚೊ ಕಾರ್ಯದರ್ಶಿ ತಶೆಂಚ್ ಗೊವ್ಳಿಕ್ ಕೇಂದ್ರ್ ‘ಅನುಗ್ರಹ’ಚೊ ನಿರ್ದೇಶಕ್) ಹಾಂಚ್ಯಾ ಮುಖೇಲ್ಪಣಾರ್ ಆಚರ‌್ಸಿಲೊ. ತಾಳಿಯಾಂಚೆರ್ ಆಶೀರ್ವಾದ್, ಉಪ್ರಾಂತ್ ಸಂಭ್ರಮಿಕ್ ಪುರ್ಶಾಂವಾ ಸವೆಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಬಾಪ್ ವಿನ್ಸೆಂಟ್ ಕ್ರಾಸ್ತಾ ಹಾಂಚ್ಯಾ ಸವೆಂ ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾ ತಶೆಂಚ್ ಬಾಪ್ ರಿಚರ್ಡ್ ಹಾಣಿಂ ಭಾಗ್ ಘೆತ್ಲೆಂ.
ಹ್ಯಾ ಸಂದರ್ಭಾರ್ ಬಾಪ್ ವಿನ್ಸೆಂಟ್ ಕ್ರಾಸ್ತಾ ಹಾಣಿಂ ಆಪುರ್ಬಾಯೆಚೊ ಸಂದೇಶ್ ದಿಲೊ. ವಿಗಾರ್ ಬಾಪಾಂನಿ ಲೊಕಾಂಚಿ ಶಿಸ್ತ್ ಆನಿ ಲಾಯಿಕಾಂಚಾ ಮುಖೇಲ್ಪಣಾ ವಿಶ್ಯಾಂತ್ ಹೊಗ್ಳಿಕ್ ಉಚಾರ‌್ಲಿ.
Photos by : Herbert Menezes, Barkur
