ST. PETER'S CHURCH BARKUR

✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️

ಮೊರ್ನಾಚಿ ಖಬರ್

ಮಾನೆಸ್ತ್ ಐವನ್ ಡಿಲೀಮಾ (70 ವರ್ಸಾಂ)

ನಾಗರ್‌ಮಠ್ ವಾಡ್ಯಾಚೊ ಮಾನೆಸ್ತ್ ಐವನ್ ಡಿಲೀಮಾ, ಪತಿ ಮಾನೆಸ್ತಿಣ್ ಗ್ರೆಟ್ಟಾ ಡಿಲೀಮಾ ಹಿಚೊ, ಪೂತ್ ದೆವಾದಿನ್ ಲೆನ್ನಿ ಡಿಲೀಮಾ ಆನಿ ದೆವಾದಿನ್ ಸಾಲ್ವದೊರ್ ಡಿಲೀಮಾ ಹಾಂಚೊ, 70 ವರ್ಸಾಂ ಪ್ರಾಯೆಚೊ, ಪೋರ್ (ಅಕ್ಟೋಬರ್ 24, 2024) ರಾತಿಂ ಮರಣ್ ಪಾವ್ಲೊ.

ತೊ ಆಪ್ಲಿಂ ಭುರ್ಗಿಂ ನಿವೇದಿತಾ ಆನಿ ನತಾಶಾ, ಭಾವ್-ಭಯ್ಣಿಂ ಜೊಸ್ಪಿನ್ (ಟೀಚರ್), ಪ್ರೆಸಿಲ್ಲಾ, ದೆವಾದಿನ್ ವಾಲ್ಟರ್, ದೆವಾದಿನ್ ಆರ್ಚಿ, ದೆವಾದಿನ್ ಪ್ರೇಮಾ (ನ್ಯಾನ್ಸಿ) ಆನಿ ಎಲ್ಸಿ ಹಾಂಕಾಂ ಸಾಂಡುನ್ ಗೆಲೊ.

ತಾಚಿ ಮೊರ್ನಾಚಿ ರೀತ್ ಆಜ್ (ಅಕ್ಟೋಬರ್ 26, 2024) ಸಕಾಳಿಂ 11:00 ವರಾರ್ ಸಾಂ ಪೆದ್ರುಕ್ ಸಮರ್ಪಿಲ್ಲ್ಯಾ ಬಾರ್ಕುರ್ ಫಿರ್ಗಜೆಂತ್ ಚಲ್ಲಿ. ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾ ಹಾಣಿಂ ಮೊರ್ನಾಚಿ ರೀತ್ ಚಲೊವ್ನ್ ವ್ಹೆಲಿ. ಗೊವ್ಳಿಕ್ ಆಯೊಗಾಂಚೊ ಸಂಯೋಜಕ್ ಮಾನೆಸ್ತ್ ಹೆರಾಲ್ಡ್‌ ಡಿಸೋಜ ಹಾಣಿಂ ಶ್ರದ್ಧಾಂಜಲಿ ಪಾಟಯ್ಲಿ. ನಾಗರ್‌ಮಠ್ ವಾಡ್ಯಾಗಾರಾಂ ತರ್ಫೆನ್ ವಾಡ್ಯಾಚೊ ಗುರ್ಕಾರ್ ಮಾನೆಸ್ತ್ ಜೋಸೆಫ್ ಫೆರ್ನಾಂಡಿಸ್ ಹಾಣಿಂ ಫುಲಾಂ-ತುರೊ ಅರ್ಪಿಲೊ.

ಮಾನೆಸ್ತ್ ಐವನ್ ಡಿಲೀಮಾ, ಆಪುಣ್ ಜಿವಂತ್ ಆಸ್ತಾನಾಚ್, ಆಪ್ಣಾಚಿ ಕೂಡ್ KMC Hospital, Manipal ಹಾಂಗಾಸರ್ Medical Research ಪಾಸತ್ ದಾನ್ ದಿಲಾ ಜಾಲ್ಲ್ಯಾನ್, ಮೊರ್ನಾಚ್ಯಾ ಅಂತಿಮ್ ವಿಧಿ ಉಪ್ರಾಂತ್ ತಾಚ್ಯಾ ಅಪೇಕ್ಷೆ ಪರ್ಮಾಣೆಂ KMC Hospitalಚ್ಯಾ ಸಿಬ್ಬಂದೆಕ್ ತಾಚಿ ಕೂಡ್ ಹಾತಾಂತರ್ ಕೆಲಿ.