✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️
ಮೊರ್ನಾಚಿ ಖಬರ್
ಬಾಪ್ ವಲೇರಿಯನ್ ಡಿಸಿಲ್ವಾ (72 ವರ್ಸಾಂ)
ಹಾಲೆಕೊಡಿ ವಾಡ್ಯಾಚೆ ಬಾಪ್ ವಲೇರಿಯನ್ ಡಿಸಿಲ್ವಾ, ಪೂತ್ ದೆವಾದಿನ್ ಗ್ರೇಸಿ ಡಿಸಿಲ್ವಾ ಆನಿ ದೆವಾದಿನ್ ಆಲ್ಬರ್ಟ್ ಡಿಸಿಲ್ವಾ, 72 ವರ್ಸಾಂ ಪ್ರಾಯೆಚೆ, ಪೋರ್ (ಎಪ್ರಿಲ್ 9, 2024) ಫಾಂತ್ಯಾರ್ ಮರಣ್ ಪಾವ್ಲೆ.
ತೆ ಆಪ್ಲೆ ಭಾವ್ ದೆವಾದಿನ್ ವಿಲಿಯಮ್ ಡಿಸಿಲ್ವಾ ಆನಿ ಭಯ್ಣಿಂ ಸಿಸ್ಟರ್ ನಿರ್ಮಲಾ, ಜೆಸಿಂತಾ, ನ್ಯಾನ್ಸಿ, ಐರಿನ್, ರೀಟಾ ಆನಿ ಮಾರ್ಥಾ ಹಾಂಕಾಂ ಸಾಂಡುನ್ ಗೆಲೆ.
ತಾಂಚಿ ಮೊರ್ನಾಚಿ ರೀತ್ ಆಜ್ (ಎಪ್ರಿಲ್ 13, 2024) ಸಾಂಜೆರ್ 3:30 ವರಾರ್ ಸೈಂಟ್ ಫಿಡೆಲಿಸ್, ಮೌಂಟ್ ಮೇರಿಯನ್ ಫ್ರಾಯರಿ, ಫರಂಗಿಪೆಟ್ ಚಲ್ಲಿ.
ಸಕಾಳಿಂ 10:30 ವರಾರ್ ಕಾರ್ಕಳ್ ಸಾಂ ಲೊರೆಸಾಚೆಂ ಪೂನ್‌ಶೆತ್ ಹಾಂಗಾಸರ್ ಬಾಪ್ ವಲೇರಿಯನ್ ಡಿಸಿಲ್ವಾ ಹಾಂಚಿ ಕೂಡ್ ಹಾಡುನ್, ಉಡ್ಪಿ ದಿಯೆಸೆಜಿಚೆ ಗೊವ್ಳಿಬಾಪ್ ಅ|ಮಾ|ದೊ| ಜೆರಾಲ್ಡ್ ಐಸಾಕ್ ಲೋಬೊ, ದಿಯೆಸೆಜಿಚೆ ವಿಗಾರ್ ಜೆರಾಲ್ ಮೊನ್ಸಿಂಜೊರ್ ಫರ್ಡಿನಾಂಡ್ ಗೊನ್ಸಾಲ್ವಿಸ್, ದಿಯೆಸೆಜಿಚೆ ಚಾನ್ಸಲರ್ ಬಾಪ್ ರೋಶನ್, ಕಾರ್ಕಳ್ ವಾರಾಡ್ಯಾಚೆ ವಿಗಾರ್‌ವಾರ್, ಕಾಪುಚಿನ್ ಮೆಳಾಚೆ ವ್ಹಡಿಲ್ ಆನಿ ಜಾಯ್ತೆ ಯಾಜಕ್ ಹ್ಯಾ ವೆಳಾರ್ ಹಾಜರ್ ಆಸುನ್ ಬಾಪ್ ವಲೇರಿಯನ್ ಡಿಸಿಲ್ವಾ ಹಾಂಚ್ಯಾ ಅತ್ಮ್ಯಾಕ್ ಸಾಸ್ಣಾಚೊ ವಿಶೆವ್ ಮಾಗುನ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ.
ಮಾನಾದಿಕ್ ಬಾಪ್ ಮ್ಯಾಕ್ಸಿಮ್‌ ನಜರೆತ್ ಹಾಣಿಂ ಶ್ರದ್ಧಾಂಜಲಿ ಪಾಟಯ್ಲಿ. ಬಾರ್ಕುರ್ ಫಿರ್ಗಜೆ ತರ್ಫೆನ್ ಉಪಾಧ್ಯಕ್ಷ್ ಮಾನೆಸ್ತ್ ಜೋಸೆಫ್ ಫೆರ್ನಾಂಡಿಸ್ ಹಾಂಚ್ಯಾ ಮುಖೇಲ್ಪಣಾರ್ ಫುಲಾಂ ತುರೊ ಅರ್ಪುನ್ ಮಾನ್ ಆನಿ ಗೌರವ್ ಪಾಟಯ್ಲೊ.
