ಸಾಂ ಪೆದ್ರುಕ್ ಸಮರ್ಪಿಲ್ಲ್ಯಾ ಬಾರ್ಕುರ್ ಫಿರ್ಗಜೆಂತ್ ನವ್ಯಾ ವರ್ಸಾಚೊ ದಬಾಜಿಕ್ ಸಂಭ್ರಮ್ :
‘ಮರಿ ದೆವಾಚಿ ಮಾತಾ’ ತಶೆಂಚ್ 2025ವ್ಯಾ ನವ್ಯಾ ವರ್ಸಾಚಿ ಸುರ್ವಾತ್ ವ್ಹಡಾ ದಬಾಜಾನ್ ಆಚರಣ್ ಕೆಲಿ. ಮರಿಯೆಚ್ಯಾ ಮೆಟಾಂನಿ ನವ್ಯಾ ವರ್ಸಾಚಿ ಸುರ್ವಾತ್ ಮ್ಹಳ್ಳೊ ಸಂದೇಶ್ ಆಟಾಪ್ಲೆಲ್ಲ್ಯಾ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಮಾನಾದಿಕ್ ದೊತೊರ್ ಬಾಪ್ ಅನಿಲ್ ದಾಲ್ಮೇದಾ, ಬಾಪ್ ಪಿಯುಸ್ ಮಿನೇಜಸ್, ಬಾಪ್ ಟೋನಿ ಅಂದ್ರಾದೆ ಆನಿ ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾ ಹಾಣಿಂ ಭೆಟಯ್ಲೆಂ. ಫುಲಾಂಚಾ ಸಜವ್ಣೆನ್ ಮಿಸಾಚಿ ಆಲ್ತಾರ್ ಸೊಭ್‌ಲ್ಲಿ.
ಸಂಭ್ರಮಿಕ್ ಮಿಸಾಚ್ಯಾ ಬಲಿದಾನಾ ಉಪ್ರಾಂತ್ ICYMಚ್ಯಾ ಮುಕೇಲ್ಪಣಾರ್ ಗರ್ದನಾ ಗೊಟೊ ಸ್ಪರ್ಧ್ಯಾಂತ್ ಜಿಕ್ಲಲ್ಯಾಂಕ್ ಇನಾಮಾಂ ವಾಂಟ್ಲಿಂ.
ಫಾಲ್ಯಾಂ (ಜನೆರ್ 1, 2025) ಮಾನಾದಿಕ್ ದೊತೊರ್ ಬಾಪ್ ಅನಿಲ್ ದಾಲ್ಮೇದಾ ಆಪ್ಲೊ ಜಲ್ಮಾ ದೀಸ್ ಆಚರ‌್ಸಿತಾತ್ ಜಾಲ್ಲ್ಯಾನ್, ಮಿಸಾ ಉಪ್ರಾಂತ್ ತಾಣಿಂ ಕೇಕ್ ಕಾತರ‌್ನ್ ಆಪ್ಲೊ ಜಲ್ಮಾ ದೀಸ್ ಸಂಭ್ರಮ್ಲೊ.
ಗಾವಾಂತ್ ತಶೆಂಚ್ ಪರ್ಗಾವಾಂತ್ ಆಸ್ಚ್ಯಾ ಸರ್ವ್ ಫಿರ್ಗಜ್‌ಗಾರಾಂಕ್ ವಿಗಾರ್ ಬಾಪಾಂಚಾ ತರ್ಫೆನ್ ಭಾಗಿ ತಶೆಂಚ್ ಬೆಸಾವಾಂನಿ ಭರ‌್ಲಲೆಂ ನವೆಂ ವರಸ್ - 2025 ಮಾಗ್ತಾಂವ್.
Pictures by : Herbert Menezes, Barkur
