ಆಜ್ ಸಾಂಜೆರ್ ಫಿರ್ಗಜೆಂತ್ಲ್ಯಾ ಆವಯಾಂಕ್ ದನ್ಪಾರಾ 3 ಥಾವ್ನ್ 6 ವರಾ ಪರ್ಯಾಂತ್ ಸೌಹಾರ್ದ ಹೊಲಾಂತ್ "ಆವಯಾಂಚಾ ದಿಸಾಚೆಂ ಕಾರ್ಯೆಂ" ಸ್ತ್ರೀ ಸಂಘಟನಾಚಾಂನಿ ಮಾಂಡುನ್ ಹಾಡ್‌ಲ್ಲೆಂ. ಹ್ಯಾ ಕಾರ್ಯಾಕ್ ಫಿರ್ಗಜೆಂತ್ಲ್ಯಾ 80 ವಯ್ರ್ ಆವಯೊ ಹಾಜರ್ ಆಸ್‌ಲ್ಲ್ಯೊ. 

ವಿಗಾರ್ ರೊನಾಲ್ಡ್ ಮಿರಾಂದಾ ಬಾಪಾಂನಿ ಅಧ್ಯಕ್ಷ್‌ಪಣ್ ಘೆತ್‌ಲ್ಲ್ಯಾ ಸಭಾ ಕಾರ್ಯಾಂತ್ ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಮಾನೆಸ್ತ್ ಜೊಸ್ಸಿ ಫೆರ್ನಾಂಡಿಸ್ ಮುಕೆಲ್ ಸಯ್ರೆ ಜಾವ್ನ್ ಹಾಜರ್ ಆಸ್‌ಲ್ಲೆ. ಮಾನೆಸ್ತಿಣ್ ಡೈಝಿ ಮೆಂಡೊನ್ಸಾ ಸಂಪನ್ಮೂಳ್ ವೆಕ್ತಿ ಜಾವ್ನ್, ಸಮಾಜೆಂತ್ ಸ್ತ್ರೀಯಾಂಚೊ ಪಾತ್ರ್ ಆನಿ ತಾಣಿಂ ಘೆಂವ್ಚಾ ಮುಖೇಲ್ಪಣಾ ವಿಶ್ಯಾಂತ್ ಆನಿ ಪ್ರತ್ಯೇಕ್ ಜಾವ್ನ್ ಸ್ತ್ರೀಯಾಂಚಾ ಭಲಾಯ್ಕೆ ವಿಶಿಂ, ಭುರ್ಗ್ಯಾಂಚಾ ವಾಡಾವಳಿಂತ್ ಚಡಿತ್ ಗಮನ್ ದೀಂವ್ಕ್ ಉಲೊ ದಿಲೊ.


ಮಾನೆಸ್ತಿಣ್ ಸವಿತಾ ಪಿಕಾರ್ಡೊನ್ ಪ್ರಾಸ್ತಾವಿಕ್ ಉಲೊವ್ಪ್ ದಿಲೊ. ಮಾನೆಸ್ತಿಣ್ ಲಿಲ್ಲಿ ದಾಲ್ಮೇದಾ ಆನಿ ಮಾನೆಸ್ತಿಣ್ ಫೆಲ್ಸಿ ಫೆರ್ನಾಂಡಿಸಾಕ್ ಹ್ಯಾ ಸಂದರ್ಭಾರ್ ಗೌರವ್ ಪಾಟಯ್ಲೊ. ಸ್ತ್ರೀ ಸಂಘಟನಾಚಿ ಅಧ್ಯಕ್ಷಿಣ್ ಮಾನೆಸ್ತಿಣ್ ರಶ್ಮಿನ್ ಒಲಿವೆರಾನ್ ಸರ್ವಾಂಕ್ ಸ್ವಾಗತ್ ಮಾಗ್ಲೊ ತರ್ ಮಾನೆಸ್ತಿಣ್ ಶ್ವೇತಾ ಪಿಂಟೊನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ.

ಮಾನೆಸ್ತಿಣ್ ಶಾಲೆಟ್ ಡಾಯಸಾನ್ ಚಲವ್ನ್ ವ್ಹೆಲ್ಲ್ಯಾ ಕಾರ್ಯಕ್ರಮಾಂತ್ ಮಾನೆಸ್ತಿಣ್ ಎವ್ಜಿನ್ ಕ್ವಾಡ್ರಸ್ ಆನಿ ಮಾನೆಸ್ತಿಣ್ ರೆನಿಟಾ ಲೋಬೊನ್ ವೆಕ್ತಿ ಪರಿಚಯ್ ಕರ‌್ನ್ ದಿಲಿ. ಮಾನೆಸ್ತಿಣ್ ಐರಿನ್ ಪಾಯ್ಸ್ ಹಿಣೆಂ ಪ್ರಾರ್ಥನ್ ಚಲವ್ನ್ ವ್ಹೆಲಿಂ. ಕಾರ್ಯಕ್ರಮಾ ವೆಳಿಂ group activities ಚಲವ್ನ್ ವ್ಹೆಲ್ಯೊ. ಹಾಂತುನ್ ಸ್ತ್ರೀಯಾಂನಿ ವರ‌್ತ್ಯಾ ಹುಮೆದಿನ್ ಪಾತ್ರ್ ಘೆತ್ಲೊ.


Pictures by : Herbert Menezes, Barkur