ಫಿರ್ಗಜೆಂತ್ ಆಜ್ ಪರಿಸರ್ ಆಯೊಗಾಚ್ಯಾ ಮುಖೇಲ್ಪಣಾರ್ ಕಥೊಲಿಕ್ ಸಭೆಚ್ಯಾ ಸಾಂಗಾತ್ಪಣಾಖಾಲ್ 'ಲೌದಾತೊ ಸಿ' ದೀಸ್ ಸಂಭ್ರಮ್ಲೊ.
ಸ್ಥಳೀಯ್ ನರ್ಸರಿ ಥಾವ್ನ್ ಫಳಾಂ-ಫುಲಾಂಚಿಂ ಝಡಾಂ ಹಾಡವ್ನ್ ಯೋಗ್ಯ್ ದರಿರ್ ಫಿರ್ಗಜ್‌ಗಾರಾಂಕ್ ವಿಕ್ಚಿ ವೆವಸ್ತಾ ಕೆಲಿ ಆನಿ ತಿಂ ರೊಂವ್ಚಾ ವಿಶ್ಯಾಂತ್ ಮಾಹೆತ್ ದಿಲಿ. 160 ಝಡಾಂ ಹ್ಯಾ ವೆಳಾ ವಿಕೊನ್ ಗೆಲಿಂ.
ಮಾನೆಸ್ತ್ ಸಿಲ್ವನ್ ದಾಲ್ಮೇದಾ, ನಾಗರ್‌ಮಠ್ ಹಾಣಿಂ ಧರ್ಮಾರ್ಥ್ ದಿಲ್ಲ್ಯೊ 90 ಮಾಡಾಸಶಿಯೊ ಗರ್ಜೆವಂತ್ ಫಿರ್ಗಜ್‌ಗಾರಾಂಕ್ ವಾಂಟ್ಲ್ಯೊ. ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾ ತಶೆಂಚ್ ಮಾನಾದಿಕ್ ದೊತೊರ್ ಬಾಪ್ ಐವನ್ ದಾಲ್ಮೇದಾ ಹ್ಯಾ ವೆಳಿಂ ಹಾಜರ್ ಆಸೊನ್, ತಾಣಿಂ ಹ್ಯಾ ಕಾರ್ಯಾಕ್ ಬರೆಂ ಮಾಗ್ಲೆಂ.
ಪರಿಸರ್ ಆಯೊಗಾಚೊ ಸಂಚಾಲಕ್ ಮಾನೆಸ್ತ್ ಪ್ರವೀಣ್ ಕರ್ವಾಲ್ಲೊ, ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಮಾನೆಸ್ತ್ ಜೊಸ್ಸಿ ಫೆರ್ನಾಂಡಿಸ್, ಕಾರ್ಯದರ್ಶಿ ಮಾನೆಸ್ತ್ ಎರಿಕ್ ಸೋನ್ಸ್, ಆಯೊಗಾಂಚೊ ಸಂಯೋಜಕ್ ಮಾನೆಸ್ತ್ ಹೆರಾಲ್ಡ್ ಡಿಸೋಜ, ಪರಿಸರ್ ಆಯೋಗ್ ತಶೆಂಚ್ ಕಥೊಲಿಕ್ ಸಭೆಚ್ಯಾ ಸಾಂದ್ಯಾಂಚ್ಯಾ ಸಾಂಗಾತ್ಪಣಾನ್ ಕಾರ್ಯಕ್ರಮ್ ಯಶಸ್ವಿ ಜಾಲೆಂ.
Pictures by : Herbert Menezes
