ಬಾರ್ಕುರ್ ಫಿರ್ಗಜೆಚ್ಯಾ ಸೌಹಾರ್ದ ಹೊಲಾಂತ್ ಕಲ್ಯಾಣ್ಪುರ್ ವಾರಾಡೊ ಧರ್ಮ್ಸಭೆಚೊ ಮುಳಾವೊ ಸಮುದಾಯ್ ಆಯೊಗಾಚ್ಯಾ ಮುಖೇಲ್ಪಣಾರ್ ಪ್ರೇರಕಾಂಚೊ ಜುಬ್ಲೆವ್ ಚಲವ್ನ್ ವ್ಹೆಲೊ. ಕಲ್ಯಾಣ್ಪುರ್ ವಾರಾಡ್ಯಾಚಾ 9 ಫಿರ್ಗಜೆ ಥಾವ್ನ್ 78 ಜಣ್ ಹಾಜರ್ ಆಸ್ಲ್ಲೆ. ಸಮುದಾಯೆಚಿಂ ಗಿತಾಂ, ಪವಿತ್ರ್ ಪುಸ್ತಕಾಕ್ ಮಾನ್ ಕರ್ಚ್ಯಾ ಮುಖಾಂತ್ರ್ ಕಾರ್ಯಾಚಿ ಸುರ್ವಾತ್ ಜಾಲಿ. ಸಂಪನ್ಮೂಳ್ ವೆಕ್ತಿ ಜಾವ್ನ್ ಧರ್ಮ್ಸಭೆಚೊ ಮುಳಾವೊ ಸಮುದಾಯ್ ಆಯೊಗಾಚೆ ಉಡುಪಿ ದಿಯೆಸೆಜಿಚೆ ದಿರೆಕ್ತೊರ್ ಬಾಪ್ ಹೆರಾಲ್ಡ್ ಪಿರೇರಾ ಹಾಣಿಂ, ಸಾತ್ ಮೆಟಾಂ, ಬೈಬಲ್ ಆರ್ಸೊ ವಿಧಾನ್, ಪಳೆ ಆಯ್ಕ್ ಆನಿ ಮೋಗ್ ಕರ್, ಹ್ಯಾ ವಿಶಿಂ ಸಂಕ್ಷಿಪ್ತ್ ರಿತಿನ್ ವಿವರ್ ದೀವ್ನ್ ಹೊ ಜುಬ್ಲೆವ್ ಭೋವ್ ಆಪುರ್ಬಾಯೆನ್ ಚಲವ್ನ್ ವ್ಹೆಲೊ.
ಸಮಾರೋಪ್ ಕಾರ್ಯಾಕ್ ಮೊನ್ಸಿಂಜೊರ್ ಬಾಪ್ ಫರ್ಡಿನಾಂಡ್ ಗೊನ್ಸಾಲ್ವಿಸ್ ಹಾಜರ್ ಆಸೊನ್ ಪ್ರೇರಕಾಂಚಾ ಜುಬ್ಲೆವಾಕ್ ಸರ್ವ್ ಬರೆಂ ಮಾಗ್ಲೆಂ.
ಕಲ್ಯಾಣ್ಪುರ್ ವಾರಾಡ್ಯಾಚೆ ಧರ್ಮ್ಸಭೆಚೊ ಮುಳಾವೊ ಸಮುದಾಯ್ ಆಯೊಗಾಚೆ, ಬಾರ್ಕುರ್ ಫಿರ್ಗಜ್ ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾ ಹಾಣಿಂ ಜುಬ್ಲೆವಾಚೊ ವಿಮರ್ಸೊ ಚಲವ್ನ್ ವ್ಹೆಲೊ. ತಶೆಂಚ್ ಹೊ ಜುಬ್ಲೆವ್ ಆಚರಣಾಂಕ್ ಭರ್ಪೂರ್ ಸಹಕಾರ್, ಮಾರ್ಗದರ್ಶನ್ ದೀವ್ನ್ ಭೋವ್ ಸೊಬಿತ್ ರಿತಿನ್ ಜುಬ್ಲೆವ್ ಆಚರಣ್ ಕರುಂಕ್ ವಾವುರ್ಲೆ. ವಾರಾಡ್ಯಾಚಾ ಸರ್ವ್ ಯಾಜಕಾಂನಿ ಸಹಕಾರ್ ದಿಲ್ಲೊ. ಸಯ್ರೆ ಯಾಜಕ್ ಬಾಪ್ ಆಲ್ಫೋನ್ಸ್ ಡಿಲೀಮಾ, ಮೌಂಟ್ ರೋಜರಿ ಫಿರ್ಗಜೆಚೆ ವಿಗಾರ್ ಬಾಪ್ ರೋಕ್ ಡಿಸೋಜ, ತಶೆಂಚ್ ಸಹಾಯಕ್ ವಿಗಾರ್ ರೋಶನ್ ಮಸ್ಕರೇನ್ಹಸ್ ಹಾಜರ್ ಆಸ್ಲ್ಲೆ.
ತಶೆಂಚ್ ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಮಾನೆಸ್ತ್ ಜೋಸೆಫ್ ಫೆರ್ನಾಂಡಿಸ್, ಆಯೊಗಾಂಚೊ ಸಂಯೋಜಕ್ ಮಾನೆಸ್ತ್ ಹೆರಾಲ್ಡ್ ಡಿಸೋಜ, ಬಾರ್ಕುರ್ ಧರ್ಮ್ಸಭೆಚೊ ಮುಳಾವೊ ಸಮುದಾಯ್ ಆಯೊಗಾಚಿ ಸಂಚಾಲಕಿ ಮಾನೆಸ್ತಿಣ್ ಶ್ವೇತಾ ಪಿಂಟೊ ಹಾಣಿಂ ಭರ್ಪೂರ್ ಸಹಕಾರ್ ದಿಲೊ.
ಮಿಲಾರ್ ಕಾಥೆದ್ರಲಾಚಿ ಮಾನೆಸ್ತಿಣ್ ಜೆಸಿಂತಾ ಲುವಿಸಾನ್ ಬರೊ ಸ್ವಾಗತ್ ಮಾಗ್ಲೊ. ತೊಟ್ಟಾಂ ಫಿರ್ಗಜೆಚಿ ಮಾನೆಸ್ತಿಣ್ ಶಾಂತಿ ಫೆರ್ನಾಂಡಿಸ್ ಹಾಣಿಂ ಕಾರ್ಯೆಂ ನಿರ್ವಹಣ್ ಕೆಲೆಂ.
ಕಲ್ಯಾಣ್ಪುರ್ ವಾರಾಡೊ ಧರ್ಮ್ಸಭೆಚೊ ಮುಳಾವೊ ಸಮುದಾಯ್ ಆಯೊಗಾಚಿ ಸಂಚಾಲಕಿ ಮಾನೆಸ್ತಿಣ್ ವಿವೆಟ್ ಲುವಿಸಾನ್ ಧನ್ಯವಾದ್ ಪಾಟಯ್ಲೆಂ.
Pictures by : Herbert Menezes, Barkur