ಪೊಂತಿಫಿಕಾಲ್ ಮೆಳಾಚೆಂ ವಾರ್ಷಿಕ್ ವರ್ಸಾಚೆಂ ಉಗ್ತಾವಣ್, ನವ್ಯಾ ಸಾಂದ್ಯಾಂಕ್ ಮೆಳಾಕ್ ಭರ‌್ತಿ ಕರ‌್ಚೆಂ ಕಾರ್ಯಕ್ರಮ್ ಆನಿ ಮುಕ್ಲ್ಯಾ ವರ‌್ಸಾಕ್ ಹುದ್ದೆದಾರಾಂಚಿ ವಿಂಚವ್ಣ್ ಕರ‌್ಚಿ ಜಮಾತ್ ಆಜ್ ಸಕಾಳಿಂಚಾ ಮಿಸಾ ಉಪ್ರಾಂತ್ ಜಮ್ಲಿ.
ಪರ್ಗಟ್ಣಿ ಅನಿ ಸುವಾರ್ತಾ ಪ್ರಸಾರ್ ಆಯೊಗಾಚೊ ಕಾರ್ಯದರ್ಶಿ ಮಾನೆಸ್ತ್ ಜೊನ್ಸನ್ ದಾಲ್ಮೇದಾನ್ ಸುರ್ವಿಲೊ ಪ್ರಾಸ್ತವಿಕ್ ಉಲೊವ್ಪ್ ದಿಲೊ. ಉಪ್ರಾಂತ್ ಆಯೊಗಾಚೊ ಸಂಚಾಲಕ್ ಮಾನೆಸ್ತ್ ಹರ್ಬರ್ಟ್ ಮಿನೇಜಸಾನ್ ಹಾಜರ್ ಆಸ್‌ಲ್ಲ್ಯಾ ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾ, ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಮಾನೆಸ್ತ್ ಜೊಸ್ಸಿ ಫೆರ್ನಾಂಡಿಸ್, ಆಯೊಗಾಂಚೊ ಸಂಯೋಜಕ್ ಮಾನೆಸ್ತ್ ಹೆರಾಲ್ಡ್ ಡಿಸೋಜ, ಕ್ರಿಸ್ತೀ ಶಿಕ್ಷಣ್ ಆಯೊಗಾಚಿ ಸಂಚಾಲಕಿ ಮಾನೆಸ್ತಿಣ್ ಸಬಿತಾ ಫೆರ್ನಾಂಡಿಸ್ ಹಾಂಕಾಂ ಸ್ವಾಗತ್ ಮಾಗ್ಲೊ.
ತ್ಯಾ ನಂತರ್ ನವ್ಯಾ ಸಾಂದ್ಯಾಂಕ್ ಮೆಳಾಕ್ ಭರ‌್ತಿ ಕರ‌್ಚೆಂ ಕಾರ್ಯಕ್ರಮ್ ವಿಗಾರ್ ಬಾಪಾಂನಿ ಚಲವ್ನ್ ವ್ಹೆಲೆಂ. ತಶೆಂಚ್ ಮುಕ್ಲ್ಯಾ ವರ‌್ಸಾಕ್ ಅಧ್ಯಕ್ಷ್ ಜಾವ್ನ್ ರೇನಲ್ ಪಿಕಾರ್ಡೊ ಆನಿ ಕಾರ್ಯದರ್ಶಿ ಜಾವ್ನ್ ಲೊಯೊನ್ನಾ ಸುವಾರಿಸ್ ವಿಂಚುನ್ ಆಯ್ಲಿಂ. ವಿಗಾರ್ ಬಾಪಾಂನಿ ಭುರ್ಗ್ಯಾಂಕ್ ಪೊಂತಿಫಿಕಾಲ್ ಮೆಳಾಚೊ ಧ್ಯೇಯ್ ವಿವರಾವ್ನ್ ಸರ್ವಾಂಕ್ ಬರೆಂ ಮಾಗ್ಲೆಂ. ಆಯೊಗಾಂಚೊ ಸಂಯೋಜಕ್ ಮಾನೆಸ್ತ್ ಹೆರಾಲ್ಡ್ ಡಿಸೋಜಾನ್ ಭುರ್ಗ್ಯಾಂಕ್ ಬರೊ ಫುಡಾರ್ ಮಾಗ್ಲೊ. ನಿಮಾಣೆಂ ಆಯೊಗಾಚೊ ಕಾರ್ಯದರ್ಶಿ ಮಾನೆಸ್ತ್ ಜೊನ್ಸನ್ ದಾಲ್ಮೇದಾನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಚಾ ಸವೆಂ ಕಾರ್ಯಕ್ರಮ್ ಅಖೇರ್ ಕೆಲೆಂ.
Pictures by : Sabitha Fernandes, Barkur
