ಐಸಿವೈಮ್ ಬಾರ್ಕುರ್ ಘಟಕಾನ್ ಆಯೋಜನ್ ಕೆಲ್ಲೆಂ EASTER CUP-2025 Cricket Tournament ಯಶಸ್ವೆನ್ ಚಲ್ಲೆಂ. ಹೆಂ ಕ್ರಿಕೆಟ್ ಟೂರ್ನಮೆಂಟ್ ಫಿರ್ಗಜ್ ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾ, ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಮಾನೆಸ್ತ್ ಜೋಸೆಫ್ ಫೆರ್ನಾಂಡಿಸ್, 20 ಆಯೊಗಾಂಚೊ ಸಂಯೋಜಕ್ ಮಾನೆಸ್ತ್ ಹೆರಾಲ್ಡ್ ಡಿಸೋಜ ಹಾಣಿಂ ಉದ್ಘಾಟನ್ ಕೆಲೆಂ.
ಸಮಾರೋಪ್ ಕಾರ್ಯಾಚ್ಯಾ ವೆಳಾರ್ ಯುವಮುಕೆಲಿ ಮಾನೆಸ್ತ್ ಪ್ರವೀಣ್ ಕರ್ವಾಲ್ಲೊ, ಮಾನೆಸ್ತ್ ಕಿಶೋರ್ ಗೊನ್ಸಾಲ್ವಿಸ್, ಮಾನೆಸ್ತಿಣ್ ಉಷಾ ರೊಡ್ರಿಗಸ್ ಆನಿ ಹೆರ್ ಫಿರ್ಗಜೆಚೆ ಮುಖೆಲಿ ಹಾಜರ್ ಆಸ್‌ಲ್ಲೆ. ಐಸಿವೈಮ್ ಅಧ್ಯಕ್ಷ್ ರಿಯಾನ್ ಆಂಜೆಲೊ ಆರೋಜಾ, ಖೆಳಾ ಕಾರ್ಯದರ್ಶಿ ಹಿತೇಶ್ ಪಿರೇರಾ ಆನಿ ಸಚೇತಕ್ ಮಾನೆಸ್ತ್ ಜೊನ್ಸನ್ ದಾಲ್ಮೇದಾ ಹಾಣಿಂ ಹ್ಯಾ ಟೂರ್ನಮೆಂಟಾಚಾ ಯಶಸ್ವೆ ಪಾಟ್ಲ್ಯಾನ್ ವರ‌್ತೊ ವಾವ್ರ್ ಕೆಲಾ.
ಫಿರ್ಗಜೆಚ್ಯಾ ನೋವ್ ವಾಡ್ಯಾಂ ಥಾವ್ನ್ 4 ಟೀಮಾ ಮಧೆಂ ಹೆಂ ಟೂರ್ನಮೆಂಟ್ ಚಲ್ಲೆಂ. Best Batsman ಜಾವ್ನ್ ಗ್ಯಾವೀನ್ ದಾಲ್ಮೇದಾ, Best Bowler ಜಾವ್ನ್ ವರ್ಷಾ ಲೋಬೊನ್ ಪ್ರಶಸ್ತಿ ಆಪ್ಣಾಯ್ಲಿ.
Team D (ಬೆಣ್ಣೆಕುದ್ರು, ಹೊಸಾಳ್ ರೊಜಾರ್ ಆನಿ ಹೊಸಾಳ್ ಲೊರೆಸ್ ವಾಡೊ) ಹ್ಯಾ ಟೂರ್ನಮೆಂಟಾಚೆ winner ತರ್ Team A (ಕಚ್ಚೂರ್ ಆನಿ ಹನೆಹಳ್ಳಿ ವಾಡೊ) runner-up ಜಾಲೆ. Team C (ನಾಗರ್‌ಮಠ್ ಆನಿ ಹಾಲೆಕೊಡಿ ವಾಡೊ) ಆನಿ Team B (ಕುದ್ರು ಆನಿ ಹೊಸಾಳ್ ಸೆಬಸ್ತ್ಯಾಂವ್ ವಾಡೊ) ಹಾಣಿಂ ಉತ್ತಮ್ ಪ್ರದರ್ಶನ್ ದಿಲೆಂ.
Pictures by : Herbert Menezes, Barkur
