ಆಜ್ (ದಶೆಂಬರ್ 14, 2025) ಬಾರ್ಕುರ್ ಫಿರ್ಗಜೆಂತ್ ಕೊಂಪ್ರಿ ಫೆಸ್ತಾಚೊ ಮ್ಹಣ್ಜೆ ಭಾವ್-ಬಾಂಧವ್ಪಣಾಚೊ ಸಂಭ್ರಮ್ ಚಲ್ಲೊ. ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಬಾಪ್ ರಾಜೇಶ್ ರೊಜಾರಿಯೊ (ಜೆಪ್ಪು ಸೆಮಿನರಿಚೊ ರೆಕ್ಟರ್) ಹಾಂಚ್ಯಾ ಮುಖೇಲ್ಪಣಾರ್ ಭೆಟವ್ನ್ ವಿಗಾರ್ ರೊನಾಲ್ಡ್ ಮಿರಾಂದಾ ಬಾಪಾಂನಿ ಸಹ-ಭೆಟವ್ಣಿ ಕೆಲಿ. ಮಾನಾದಿಕ್ ರಾಜೇಶ್ ರೊಜಾರಿಯೊ ಬಾಪಾಂನಿ ಎವ್ಕರಿಸ್ತ್ ಆನಿ ಭಾವ್ ಬಾಂಧವ್ಪಣಾ ವಿಶ್ಯಾಂತ್ ಆಪುರ್ಬಾಯೆಚೊ ಸಂದೇಶ್ ದಿಲೊ. ಮಿಸಾ ಉಪ್ರಾಂತ್ ಸಾಕ್ರಾಮೆಂತಾಚೆಂ ಆರಾಧಾನ್ ಆನಿ ಸಂಭ್ರಮಿಕ್ ಸಾಕ್ರಾಮೆಂತಾಚೊ ಪುರ್ಶಾಂವ್ ಆಸ್ಲ್ಲೊ. ಮಾನೆಸ್ತ್ ಸೈಮನ್ ಸುವಾರಿಸ್ ಆನಿ ಕುಟಾಮ್, ಹಾಲೆಕೊಡಿ ಹಾಣಿಂ ಫೆಸ್ತಾಚೆ ಪಿರ್ಜೆಂತ್ಪಣ್ ಘೆತ್ಲ್ಲೆಂ.
Photos by : Vishwas Carvalho
