ಸಾಂ ಪೆದ್ರುಕ್ ಸಮರ್ಪಿಲ್ಲ್ಯಾ ಬಾರ್ಕುರ್ ಫಿರ್ಗಜೆಂತ್ ಕ್ರಿಸ್‌ಮಸ್ ಫೆಸ್ತಾಚೊ ದಬಾಜಿಕ್ ಸಂಭ್ರಮ್ :
ಹಜಾರಾಂನಿ ಭಕ್ತಿಕಾಂ ಸವೆಂ ಕ್ರಿಸ್‌ಮಸ್ ವ ಜೆಜುಚ್ಯಾ ಜಲ್ಮಾಚೆಂ ಆಚರಣ್ ವ್ಹಡಾ ದಬಾಜಾನ್ ಸಂಭ್ರಮ್ಲೆಂ. ಸಂಭ್ರಮಿಕ್ ಮಿಸಾಚ್ಯಾ ಬಲಿದಾನಾಚೆಂ ಮುಖೇಲ್ಪಣ್ ಬಾಪ್ ಸಿರಿಲ್ ಲೋಬೊ (ದಿರೆಕ್ತೊರ್, ದಿವ್ಯ ಜ್ಯೋತಿ, ಉಡುಪಿ ದಿಯೆಸೆಜ್) ಹಾಣಿಂ ಘೆತ್‌ಲ್ಲೆಂ. ಬಾಪ್ ಡಾ. ಅನಿಲ್ ದಾಲ್ಮೇದಾ ಆನಿ ಫಿರ್ಗಜ್ ವಿಗಾರ್ ರೊನಾಲ್ಡ್ ಮಿರಾಂದಾ ಬಾಪಾಂನಿ ಸಹ-ಭೆಟವ್ಣಿ ಕೆಲಿ. ಹೆಂ ಮಿಸಾಚೆಂ ಬಲಿದಾನ್ ಫಿರ್ಗಜೆಚ್ಯಾ ಉಗ್ತ್ಯಾ ಮಯ್ದನಾರ್ ಮಾಂಡುನ್ ಹಾಡ್‌ಲ್ಲೆಂ. ಫುಲಾಂಚಾ ಸಜವ್ಣೆನ್ ಮಿಸಾಚಿ ಆಲ್ತಾರ್ ಸೊಭ್‌ಲ್ಲಿ ತರ್ ಕ್ರಿಸ್‌ಮಸ್ ಆಚರಣಾಚೆ ಮುಡ್ದೊಮ್ ಕುದ್ರು ವಾಡ್ಯಾಚಾ ಯವಜಣಾಂನಿ ಘೆತ್‌ಲ್ಲೆಂ.
Pictures by : Herbert Menezes, Barkur
