ಆಜ್ (ಆಯ್ತಾರ್, 23/02/25) ಕ್ರಿಸ್ತೀ ಶಿಕ್ಷಣಾಚೊ ದೀಸ್ ಆಚರಣ್ ಕೆಲೊ. ಸಕಾಳಿಂಚ್ಯಾ ಮಿಸಾಚಿ ಲಿತುರ್ಜಿ ಭುರ್ಗ್ಯಾಂನಿ ಚಲೊವ್ನ್ ವ್ಹೆಲಿ. ಮಿಸಾ ಉಪ್ರಾಂತ್ ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾ ಹಾಂಚ್ಯಾ ಅಧ್ಯಕ್ಷ್‌ಪಣಾರ್ ಲ್ಹಾನ್ ವೆದಿ ಕಾರ್ಯೆಂ ಆಸಾ ಕೆಲ್ಲೆಂ. ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಮಾನೆಸ್ತ್ ಜೋಸೆಫ್ ಫೆರ್ನಾಂಡಿಸ್, ಕೊವೆಂತಾಚಿ ವ್ಹಡಿಲ್ನ್ ಸಿ. ಜಾಸ್ಮಿತಾ ಕ್ರಾಸ್ತಾ, ಮಾನೆಸ್ತ್ ಕಿಶೋರ್ ಗೊನ್ಸಾಲ್ವಿಸ್ (ಕಿಶೂ ಬಾರ್ಕುರ್) ಮಾನಾಚೆ ವೆಕ್ತಿ ಹ್ಯಾ ಕಾರ್ಯಾಕ್ ಹಾಜರ್ ಆಸ್‌ಲ್ಲೆ.
ವೆದಿ ಕಾರ್ಯೆಂ ಭುರ್ಗ್ಯಾಂನಿ ಪ್ರಾರ್ಥನ್ ಗೀತ್ ಗಾಂವ್ಚೆ ದ್ವಾರಿ ಆರಂಭ್ ಜಾಲೆಂ. ಉಪ್ರಾಂತ್ ಭುರ್ಗ್ಯಾಂನಿ ಬೈಬಲ್ ಆಧಾರಿತ್ ಕಾರ್ಯಕ್ರಮಾಂ ಚಲವ್ನ್ ವ್ಹೆಲಿಂ.
ಮಾನೆಸ್ತ್ ಗ್ಲೆನ್ ಫುರ್ಟಾಡೊ ಹಾಣಿಂ ಮಾನಾಚ್ಯಾ ಸಯ್ರ್ಯಾಂಕ್ ಸ್ವಾಗತ್ ಮಾಗ್ಲೊ. ದತೊರ್ನಿಚ್ಯಾ ಪರೀಕ್ಷೆಂತ್ ಪಯ್ಲೆಂ ಆನಿಂ ದುಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾ ತಶೆಂಚ್ ದತೊರ್ನಿಚ್ಯಾ ಕ್ಲಾಸಿಂಕ್ ಚುಕನಾಸ್ತಾನಾ ಹಾಜರ್ ಜಾಲ್ಲ್ಯಾ ಭುರ್ಗ್ಯಾಂಕ್ ಇನಾಮಾಂ ದಿಲಿಂ. ವಿಗಾರ್ ಬಾಪಾಂನಿ ದತೊರ್ನಿಚ್ಯಾ ಶಿಕ್ಷಕಾಂಚ್ಯಾ ವಾವ್ರಾಕ್ ಆನಿ ಭುರ್ಗ್ಯಾಂಚ್ಯಾ ಆಸಕ್ತೆಕ್ ಶಾಭಾಸ್ಕಿ ಪಾಟಯ್ಲಿ.
ಹಾಜರ್ ಆಸ್‌ಲ್ಲ್ಯಾ ಫಿರ್ಗಜ್‌ಗಾರಾಂನಿ ಹೊಗ್ಳಿಕ್ ಉಚಾರ‌್ಲಿ. ಹ್ಯಾ ಕಾರ್ಯಾಕ್ ಉದಾರ್ ಮನಾನ್ ದಾನ್ ದಿಲ್ಲ್ಯಾಂಕ್ ಮಾನ್ ಕೆಲೊ. ಮಾನೆಸ್ತಿಣ್ ಶಾಲೆಟ್ ಡಾಯಸ್ ಹಿಣೆಂ ಕಾರ್ಯೆಂ ಆಪುರ್ಬಾಯೆನ್ ಚಲವ್ನ್ ವ್ಹೆಲೆಂ. ಮಾನೆಸ್ತಿಣ್ ಸಬಿತಾ ಫೆರ್ನಾಂಡಿಸ್ ಹಿಣೆಂ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ವಿಗಾರ್ ಬಾಪಾಂನಿ ಶಿಕ್ಷಕಾಂಕ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೊ.
Pictures by : Herbert Menezes, Barkur
