ಭಲಾಯ್ಕಿ ಆಯೋಗ್ ಆನಿ ಸೀನಿಯರ್ ಸಿಟಿಜನ್ ಕ್ಲಬ್ ಸಾಂಗಾತಾ ಮೆಳೊನ್ bone density (ಹಾಡಾಂಚೆ ಸಾಂದ್ರತಾ) ತಪಾಸ್ಣೆ ಶಿಬಿರ್ ಆಜ್ ಫಿರ್ಗಜ್ ಘರ‌್ಚಾ ಮಿನಿ ಹೊಲಾಂತ್ ಮಾಂಡುನ್ ಹಾಡ್ಲೆಂ. ಫಿರ್ಗಜ್ ವಿಗಾರ್ ಮಾನಾದಿಕ್ ರೊನಾಲ್ಡ್ ಮಿರಾಂದಾ ಬಾಪಾಂನಿ ಉದ್ಘಾಟನ್ ಕಾರ್ಯಕ್ರಮಾಚೆಂ ಅಧ್ಯಕ್ಷ್‌ಪಣ್ ಘೆತ್‌ಲ್ಲೆಂ. ಹ್ಯಾ ಕಾರ್ಯಾಂತ್ ಮಾನೆಸ್ತ್ ಪ್ರಕಾಶ್ ಅಂದ್ರಾದೆ ತಶೆಂಚ್ ಟೆಕ್ನಿಷಿಯನ್ ಶ್ರೀ ಭೀಮಪ್ಪ ಹಾಜರ್ ಆಸ್‌ಲ್ಲೆ.
ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಮಾನೆಸ್ತ್ ಜೊಸ್ಸಿ ಫೆರ್ನಾಂಡಿಸ್, ಸೀನಿಯರ್ ಸಿಟಿಜನ್ ಕ್ಲಬಾಚೊ ಅಧ್ಯಕ್ಷ್ ಮಾನೆಸ್ತ್ ಸ್ಟ್ಯಾನಿ ಲುವಿಸ್, ಕಾರ್ಯದರ್ಶಿ ಮಾನೆಸ್ತಿಣ್ ಜೆಸ್ಸಿ ಪಿಂಟೊ, ಭಲಾಯ್ಕೆ ಆಯೊಗಾ ತರ್ಫೆನ್ ಡಾ. ಮನೋಜ್ ಡಿಲೀಮಾ, ಆಯೊಗಾಂಚೊ ಸಂಯೋಜಕ್ ಮಾನೆಸ್ತ್ ಹೆರಾಲ್ಡ್ ಡಿಸೋಜ ಹಾಜರ್ ಆಸ್‌ಲ್ಲೆ. ಮಾನೆಸ್ತ್ ಹೆರಾಲ್ಡ್ ಡಿಸೋಜಾನ್ ಸ್ವಾಗತ್ ಮಾಗ್ಲೊ.
ಫಿರ್ಗಜೆಚ್ಯಾ 83 ಜಣಾಂನಿ ಹ್ಯಾ ಶಿಬಿರಾಚೊ ಬರೊ ಫಾಯ್ದೊ ಜೊಡ್ಲೊ. ಹೆಂ ಕಾರ್ಯಕ್ರಮ್ ಯಶಸ್ವಿ ಜಾಂವ್ಚಾಕ್ ಮಾನೆಸ್ತ್ ಸ್ಟ್ಯಾನಿ ಲುವಿಸ್, ಸ್ತ್ರೀ ಸಂಘಟನಾಚಿ ಅಧ್ಯಕ್ಷಿಣ್ ಮಾನೆಸ್ತಿಣ್ ರಶ್ಮಿ ಒಲಿವೆರಾ, ಐರಿನ್ ಪಾಯ್ಸ್, ಹರ್ಬರ್ಟ್ ಮಿನೇಜಸ್, ಸಿಪ್ರಿಯನ್ ಪಿಂಟೊ, ಡೆನಿಸ್ ರೊಡ್ರಿಗಸ್, ಲೆಸ್ಲಿ ದಾಲ್ಮೇದಾ, ಎರಿಕ್ ಸೋನ್ಸ್ ಹಾಣಿಂ ಭರ್ಪೂರ್ ಸಹಕಾರ್ ದಿಲೊ. ಮಾನೆಸ್ತಿಣ್ ವಿವೆಟ್ ಲುವಿಸಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ.
Pictures by : Herbert Menezes
