ಆಜ್ ಆಮ್ಚ್ಯಾ ಫಿರ್ಗಜೆಂತ್ ಆಲ್ತಾರ್ ಭುರ್ಗ್ಯಾಂಚೊ ದೀಸ್ ಆಚರಣ್ ಕೆಲೊ. ಮಿಸಾಚ್ಯಾ ಲಿತುರ್ಜಿಚೆಂ ಮುಖೇಲ್ಪಣ್ ಆಲ್ತಾರ್ ಭುರ್ಗ್ಯಾಂನಿ ಘೆವ್ನ್ ಭಕ್ತಿಪಣಾನ್ ಚಲವ್ನ್ ವ್ಹೆಲಿ. ಮಿಸಾ ವೆಳಾರ್ ತೇಗ್ ಭುರ್ಗ್ಯಾಂಕ್ ಫಿಂತ್ ದೀವ್ನ್ ತಾಂಕಾಂ ವಿಗಾರ್ ಮಾನಾದಿಕ್ ರೊನಾಲ್ಡ್ ಮಿರಾಂದಾ ಬಾಪಾಂನಿ ಬರೆಂ ಮಾಗ್ಲೆಂ.
ಮಿಸಾ ಉಪ್ರಾಂತ್ ಆಲ್ತಾರ್ ಭುರ್ಗ್ಯಾಂಚೆ ಸಹಮಿಲನ್ ಇಗರ್ಜೆಚ್ಯಾ ಮಿನಿ ಹೊಲಾಂತ್ ಆಸಾ ಕೆಲ್ಲೆಂ. ಹ್ಯಾ ಸಹಮಿಲನಾಕ್ ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾ, ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಮಾನೆಸ್ತ್ ಜೋಸೆಫ್ ಫೆರ್ನಾಂಡಿಸ್, ಕೊವೆಂತಾಚಿ ವ್ಹಡಿಲ್ನ್ ಸಿ. ಜಾಸ್ಮಿತಾ ಕ್ರಾಸ್ತಾ, ಸೆಮಿನರಿ ಆನಿ ಧಾರ್ಮಿಕ್ ತರ್ಬೆತಿ ಆಯೊಗಾಚೊ ಸಂಚಾಲಕ್ ಮಾನೆಸ್ತ್ ಪೆಟ್ರಿಕ್ ಡಿಸಿಲ್ವ ಆನಿ ಸಾಂದೆ ಹಾಜರ್ ಆಸ್‌ಲ್ಲೆ. ವಿಗಾರ್ ಬಾಪಾಂನಿ ಆನಿ ಹಾಜರ್ ಆಸ್‌ಲ್ಲ್ಯಾ ಮಾನಾಚ್ಯಾ ಸಯ್ರ್ಯಾಂನಿ ಆಲ್ತಾರ್ ಭುರ್ಗ್ಯಾಂನಿ ಫಿರ್ಗಜೆಕ್ ದಿಂವ್ಚಿ ಸೆವಾ ವಾಖಣ್ಲಿ ಆನಿ ಶುಭಾಶಯ್ ಪಾಟಯ್ಲೆ.
PC : Herbert Menezes, Barkur
