ICYM ಘಟಕಾಚಾ ಮುಕೆಲ್ಪಣಾರ್ ಬಾರ್ಕುರ್ ಫಿರ್ಗಜೆಂತ್ 79ವೊ ಸ್ವಾತಂತ್ರೋತ್ಸವಾಚೊ ಸಂಭ್ರಮ್
ಆಜ್ ಆಮ್ಚ್ಯಾ ಫಿರ್ಗಜೆಂತ್ ಮರಿಯೆಚೆಂ ಸ್ವರ್ಗಾವ್ಹರಣಾಚೆಂ ಫೆಸ್ತ್ ತಶೆಂಚ್ ಐಸಿವೈಎಮಾಚ್ಯಾ ಮುಕೆಲ್ಪಣಾಖಾಲ್ ಭಾರತಾಚ್ಯಾ ಸ್ವಾತಂತ್ರೋತ್ಸವಾಚೊ ದೀಸ್ ಭೋವ್‌ಚ್ ದಬಾಜ್ಯಾನ್ ಸಂಭ್ರಮ್ಲೊ.
ಸಕಾಳಿಂಚೆ ಫೆಸ್ತಾಚೆಂ ಸಂಭ್ರಮಿಕ್ ಮೀಸ್ 'ಸಂಪದ' ಸಂಸ್ಥ್ಯಾಚೊ ಮಾನಾದಿಕ್ ರೆಜಿನಾಲ್ಡ್ ಪಿಂಟೊ ಬಾಪಾಂನಿ ಭೆಟಯ್ಲೆಂ.
ಮಿಸಾ ಉಪ್ರಾಂತ್ ಸರ್ವ್ ಫಿರ್ಗಜ್‌ಗಾರಾಂ ಸವೆಂ ಮೆಳುನ್ ಇಗರ್ಜೆ ಮುಕ್ಲ್ಯಾ ಮಯ್ದಾನಾರ್ ಭಾರತಾಚ್ಯಾ ಸುಟ್ಕೆಸಂಭ್ರಮಾಚೊ ದಬಾಜೊ ಆಚರಿಲೊ.
ಬಾರ್ಕುರ್ ಪಂಚಾಯತಾಚೊ ಅಧ್ಯಕ್ಷ್ ಶ್ರೀ ಶಾಂತಾರಾಮ್ ಶೆಟ್ಟಿ ಹ್ಯಾ ಕಾರ್ಯಾಕ್ ಮುಖೆಲ್ ಸಯ್ರೆ ಜಾವ್ನ್ ಹಾಜರ್ ಆಸೊನ್ ಧ್ವಜಾರೋಹಣ್ ಕರ‌್ನ್ ಸೂಕ್ತ್ ಸಂದೇಶ್ ದಿಲೊ.
ಹ್ಯಾ ವೆಳಾರ್ ಬಾಪ್ ರೆಜಿನಾಲ್ಡ್ ಪಿಂಟೊ, ಸ್ಥಳೀಯ್ ಪಂಚಾಯತ್ ಸಾಂದೊ ಮಾನೆಸ್ತಿಣ್ ಶೈಲಾ ಡಿಸೋಜ, ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಜೋಸೆಫ್ ಫೆರ್ನಾಂಡಿಸ್, ಕಾರ್ಯದರ್ಶಿ ಎರಿಕ್ ಸೋನ್ಸ್, ಆಯೊಗಾಂಚೊ ಸಂಯೋಜಕ್ ಹೆರಾಲ್ಡ್‌ ಡಿಸೋಜ ಆನಿ ಐಸಿವೈಎಮ್ ಸಚೇತಕ್ ಜೊನ್ಸನ್ ದಾಲ್ಮೇದಾ ಹಾಜರ್ ಆಸ್‌ಲ್ಲೆ.
ICYM ಅಧ್ಯಕ್ಷ್ ರಿಯಾನ್ ಅರೋಜಾ ಹಾಣೆಂ ಸರ್ವಾಂಕ್ ಯೆವ್ಕಾರ್ ಮಾಗ್ಲೊ. ಡಿಯೋನ್ ಗೊನ್ಸಾಲ್ವಿಸ್ ಆನಿ ಮ್ಯಾಕ್‌ನೆಲ್ ಸುವಾರಿಸ್ ಹಾಣೆಂ ಕಮಾಂಡಿಂಗ್ ಒಫಿಸರ್ ಜಾವ್ನ್ ಧ್ವಜಾರೋಹಣ್ ಕಾರ್ಯಾಚಿ ಭರ್ಮ್‌ ಚಡಯ್ಲಿ. ಕಾರ್ಯದರ್ಶಿ ರೇಶಲ್ ಗೊನ್ಸಾಲ್ವಿಸ್ ಹಾಣೆಂ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ರೆನಿಶ್ ಪಿಂಟೊ ಹಾಣೆಂ ಕಾರ್ಯೆಂ ಚಲವ್ನ್ ವ್ಹೆಲೆಂ.
Photos by : Herbert Menezes
