ರೊಜಾರ್ ವಾಡ್ಯಾಚೆo ಫೇಸ್ತ್ ಆಚರಣ್ - 2026
ಅಕ್ಟೋಬರ್ 7 ತಾರೀಕೆರ್, ಸಗ್ಳ್ಯಾ ಸಂಸಾರಾಂತ್ ರೊಜಾರ್ ಮಾಯೆಚೆಂ ಫೇಸ್ತ್ ಆಚರಣ್ ಕರ್ಚ್ಯಾ ಸಂದರ್ಭಿ, ಆಮ್ಚ್ಯಾ ಬಾರ್ಕುರ್ ಫಿರ್ಗೆಜೆಂತ್ ರೊಜಾರ್ ವಾಡ್ಯಾಗಾರಾನಿಂ ಸಕಾಳಿಚ್ಯಾ ಮಿಸಾ ವೆಳಾರ್ ಅರ್ಗಾ ಮೀಸ್ ಭೆಟೋವ್ನ್ ಸರ್ವ್ ವಾಡ್ಯಾಗಾರಾನಿಂ ಭೊವ್ ಉರ್ಭೆನ್ ಲಿರ್ತುಚಿಂತ್ ಭಾಗ್ ಗೆತ್ಲೊ. ಆನಿಂ ಅಕ್ಟೋಬ್ರಾಚಾ 10 ತಾರಿಕೆರ್ 2026 ವೆರ್ ಸನ್ವರಾ ವಾಡ್ಯಾಚಿಂ ಶಾರೊತಿಣ್ ರೊಜಾರ್ ಮಾಯೆಕ್ ಮಾನ್ ಕರ್ನ್ ಫೇಸ್ತ್ ಆಚರಣ್ ಕೆಲೆಂ.
ಸಾಂಜೆರ್ 6.30ವರಾರ್ ತೆರ್ಸಾ ಸವೆಂ ಕಾರ್ಯಕ್ರಮ್ ಆರಂಭ್ ಕೆಲೆಂ. ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾನಿಂ ಅಧ್ಯಕ್ಷ್ ಪಣ್ ಘೆತ್ಲೆ, ಫಿರ್ಗಜ್ ಗೋವ್ಳಿಕ್ ಮಂಡಳಿಚೆ ಉಪಾಧ್ಯಕ್ಷ್, ಗೋವ್ಳಿಕ್ ಆಯೋಗಾಂಚೊ ಸಂಯೋಜಕ್, ಕಾರ್ಯದರ್ಶಿ ಆನಿಂ ವಾಡ್ಯಾಚಿ ಗುರ್ಕಾರ್ನ್ ಅನಿಂ ತಶೇಚ್ಚ್ ವಾಡ್ಯಾಚಿ ಕಾರ್ಯದರ್ಶಿ, ಕೊವೆಂತಾಚಿ ಸುಪಿರಿಯರ್ ವೆದಿರ್ ಹಾಜರ್ ಆಸುನ್, ವಾಡ್ಯಾಚಾ ಪ್ರತಿನಿಧಿನ್ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ, ವಿಗಾರ್ ಬಾಪಾನಿ ಬರೊ ಸಂದೇಶ್ ದಿಲೊ, ವಾಡ್ಯಾಗಾರಾಂಚಾ ಎಕ್ವಟಾಕ್ ಶಾಬಾಸ್ಕಿ ಪಾಟಯ್ಲಿ. ಉಪಾಧ್ಯಕ್ಷಾನ್ ಇಗರ್ಜ್ ರೀನೋವೆಶಾನಾ ವೇಳಾರ್ ರೊಜಾರ್ ವಾಡ್ಯಾಚಾನಿಂ ಕೆಲ್ಲ್ಯಾ ಶ್ರಮದಾನಚೊ ಉಗ್ಡಾಸ್ ಕಾಡ್ಲೊ, ಸುಪೀರಿಯರಾನ್ ಸರ್ವಾಂಕ್ ಬರೆಂ ಮಾಗ್ಲೆಂ.
ವಾಡ್ಯಾಂತ್ ಖೆಳ್ ಪಂದ್ಯಾಟಾಂತ್ ಜಿಕಲ್ಲ್ಯಾಂಕ್ ಇನಾಮಾಂ ವಾಂಟ್ಲಿ. ತಸೆಂಚ್ ವಾಡ್ಯಾಂತ್ಲೆ ಪಿ.ಎಚ್.ಡಿ ಪದ್ವಿ ಆಪ್ಣಾಯ್ಲ್ಯಾ ಡೊ. ಸೋನಿಯಾ ಸಿಕ್ವೇರಾಕ್ ಸನ್ಮಾನ್ ಕೆಲೊ. ವಾಡ್ಯಾಚಾ ಗುರ್ಕಾರ್ನ್ ಸಬಿತಾ ಪಿಕಾರ್ಡೊನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ವಾಡ್ಯಾಚಾ ಸಾಂಸ್ಕೃತಿಕ್ ಕಾರ್ಯಕ್ರಮಾಂತ್ ಲ್ಹಾನಾನಿಂ ತಸೆಂ ವ್ಹಡಾನಿಂ ಭಾಗ್ ಘೆವ್ನ್, ವಾಡ್ಯಾಗಾರಾನಿಂ ಸಾಂಗಾತಾ ಮೆಳೊನ್ ಗುರ್ಕಾನಿಚಾ ಘರಾ ರಾಂದಲ್ಲಾ ರುಚಿಕ್ ಜೆವ್ಣಾಂ ಸವೆಂ ಸಂತೋಸಾನ್ ಕಾರ್ಯೆಂ ಸಂಪಯ್ಲೆಂ. ಫಿರ್ಗೆಜೆಚೆo ಹೆರ್ ವಾಡ್ಯಾಚೆ ಗುರ್ಕಾರ್, ಸಂಘ-ಸಂಸ್ಥೆಚೆ ಅಧ್ಯಕ್ಷ್, ಕೊವೆಂತಾಚಿ ಸಿಸ್ಟರಾo, ವಾಡ್ಯಾಚೆo ಸರ್ವ್ ವಾಡ್ಯಾಗಾರಾo ಹಾಜರ್ ಆಸೊನ್ ಸಾಂಗಾತಾ ಮೆಳೊನ್ ಫೇಸ್ತ್ ಸಂಭ್ರಮ್ಲೆ.
