ಮಾಲ್ಗಡ್ಯಾoಚಿ ಜಾಣ್ವಾಯಚ್ಚ್ ಆಮ್ಚಿಂ ಆಸ್ತ್, ತಾಂಚೊ ಭಾವಾಡ್ತ್ ಆಮ್ಕಾಂ ಪ್ರೇರಣ್ ಮ್ಹುಳ್ಯಾ ದ್ಯೇಯಾಖಾಲ್ ಆಜ್ ಆಯ್ತಾರಾ 02/08/2026ವೆರ್ ವಿಗಾರ್ ಬಾಪಾಚಾ ಮುಖೇಲ್ಪಣಾರ್ ಕುಟ್ಮಾo ಆಯೋಗಾನ್ ಆಮ್ಚ್ಯಾ ಫಿರ್ಗೆಜೆoತ್ ಮಾಲ್ಗಡ್ಯಾoಚೊ ದೀಸ್ ಆಚರಣ್ ಕೆಲೊ.
ಸಕಾಳಿ 9.30 ವೊರಾ ಥಾoವ್ನ್ 10.00 ವೊರಾo ಮ್ಹುಣಾಸರ್ ಸತ್ತರ್ ವರ್ಸಾ ವಯ್ಲ್ಯಾ ಸರ್ವ್ ಮಾಲ್ಗಡ್ಯಾoಕ್ ಕುಮ್ಸಾರ್ ಜಾoವ್ನ್ ಆತ್ಮೀಕ್ ದಾದೊಸ್ಕಾಯ್ ಜೋಡ್ನ್ ಘೆತ್ಲಿ. ಮೀಸಾಚೆo ಬಲಿದಾನ್ ಮಾನಾದಿಕ್ ಬಾಪ್ ಲಿಯೋ ಪ್ರವೀಣ್ ಡಿಸೋಜ, ಧರ್ಮ್ ಸಭೆಚಾ ಮುಳಾವೊ ಸಮುದಾಯೆಚೊ ದಿಯೆಸೆಜಿಚೆ ನಿರ್ದೆಶಕ್ ಆನಿಂ ಉಡುಪಿ ಫಿರ್ಗೆಜೆಚೊ ಸಹಾಯಕ್ ವಿಗಾರ್ ಹಾಣಿo ಭೆಟಯ್ಲೆo. ಸಹ ಭೆಟವ್ಣಿo ಆಮ್ಚ್ಯಾ ವಿಗಾರ್ ಬಾಪ್ ರೋನಾಲ್ಡ್ ಮಿರಾಂದಾನ್ ಕೆಲಿ. ಸರ್ವ್ ಮಾಲ್ಗಡ್ಯಾನಿo ಕುಮ್ಸಾರಾo ಉಪ್ರಾಂತ್ ಜೆಜುಕ್ ಆಪ್ಲ್ಯಾ ಕಾಳ್ಜಾಂತ್ ಸ್ವೀಕಾರ್ ಕೆಲೊ. ಮಿಸಾ ಉಪ್ರಾಂತ್ ಸರ್ವ್ ಮಾಲ್ಗಡ್ಯಾoಕ್ ತೆಲಾವ್ಣಿ ಕೆಲಿ.
ಮುಖ್ಲೆo ಕಾರ್ಯೆo ಇಗರ್ಜೆಚ್ಯಾ ಪೊರ್ಟಿಗಾoತ್ ಚಲ್ಲೆ. ಸುರ್ವೆರ್ ಫಿರ್ಗೆಜೆoತ್ಲ್ಯಾ ತೇಗಾನಿo ಆಜ್ ತಾಂಚೊ ಜಲ್ಮಾ ದೀಸ್ ಕೇಕ್ ಕಟ್ಟ್ ಕರ್ನ್ ಸಂಭ್ರಮ್ ಆಚರಣ್ ಕೆಲೊ. ಕುಟ್ಮಾo ಆಯೋಗಾಚಿ ಸಂಚಾಲಾಕಿ ಶ್ರೀಮತಿ ಸರಿತಾ ಕ್ವಾಡ್ರಾಸಾನ್ ಸರ್ವಾoಕ್ ಸ್ವಾಗತ್ ಮಾಗ್ಲೆ. ದಾಕ್ಟುಲ್ಯಾ ಭುರ್ಗಾಂನಿಂ ಸ್ವಾಗತ್ ನಾಚ್ ನಾಚುನ್ ಸರ್ವಾಂಚಿ ಮನಾo ಸಂತೋಸ್ ಕೆಲಿ.
ದೋನ್ ನಾಟ್ಕುಳೆಂ ಆಯೋಗಾಚಾ ಸಾಂದ್ಯಾನಿ ಪ್ರದರ್ಶಿತ್ ಕೆಲೆ. ಮಾನೇಸ್ತಿಣ್ ಶಾಲೆಟ್ ವಾಜಾನ್ ಮಾಲ್ಗಡ್ಯಾಂನಿ ಆಪ್ಲಿಂ ಭೊಲಾಕಿ ಉತರ್ ಪ್ರಾಯೆರ್ ಕಶಿo ಸಾಂಬಾಳುನ್ ವರಿಜೇಯ್ ಮ್ಹುಳ್ಯಾ ವಿಶಿ ಗರ್ಜೆಚೆo ಹಿಶಾರೆ ದಿಲೆ. ಶ್ರೀಮತಿ ಶಾಲೆಟ್ ಡಾಯಸಾನ್ ಸರ್ವ್ ಮಾಲ್ಗಡ್ಯಾoಕ್ ಬಸಲ್ಲ್ಯಾ ಕಡೆಚ್ ಕ್ವೀಜ್ ಸ್ಪರ್ದೊ ಚಲವ್ನ್ ವೆಲೆಂ. ಸತ್ತರ್ ವರ್ಸಾ ವಯ್ಲ್ಯಾ ಸರ್ವ್ ಮಾಲ್ಗಡ್ಯಾoಕ್ ಉಡಾಸಾಚಿ ಕಾಣಿಕ್ ಜಾವ್ನ್ ದೋಗಾ ಕುಟ್ಮಾಚಾನಿ ಗಿಫ್ಟ್ ಪ್ರಾಯೋಜಿತ್ ಕೆಲೆ. ವಿಗಾರ್ ಬಾಪಾನಿ ಮಾಲ್ಗಡ್ಯಾoಕ್ ಹ್ಯಾ ದಿಸಾಚಾ ಮಹತ್ವ ವಿಷ್ಯಾoತ್ ಕಳಿತ್ ಕರ್ನ್ ಶುಭಾಶಯ್ ಪಾಟೈಲೆ. ಉದಾರ್ ಮನಾಚಾ ದಾನಿನ್ ಆಯ್ಚ್ಯಾ ಕಾರ್ಯಾಕ್ ಸಹಕಾರ್ ದಿಲೊ.
ರುಚಿಕ್ ಜೆವಾಣ್ ಸರ್ವಾoಚಿ ಮನಾo ದಾದೊಶಿo ಜಾಲಿ. ಉಪ್ಕಾರ್ ಆಟೋವ್ಣಿ ಕಾರ್ಯೆ ಗೊವ್ಳಿಕ್ ಆಯೋಗಚಾ ಸಂಯೋಜಕ್ ಜೋಸೆಫ್ ಫೆರ್ನಾಂಡಿಸಾನ್ ಚಲವ್ನ್ ವೆಲೆo. ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಜೋಸೆಫ್ ಫೆರ್ನಾಂಡಿಸ್, ಕಾರ್ಯದರ್ಶಿ ಸಬೀತಾ ಪಿಕಾರ್ಡೊ ಆನಿಂ ಸಾಂದ್ಯಾನಿ ಸಾಂಗಾತ್ ದಿಲೊ. ಕುಟ್ಮಾಂ ಅಯೋಗಾಚೆಂ ಸಾಂದೆ ಶ್ರೀಮತಿ ಆಲಿಸ್ ಡಿಸೋಜಾನ್ ಕಾರ್ಯೆo ನಿರ್ವಹಣ್ ಕೆಲೆ.
ಕುಟ್ಮಾ೦ ಆಯೋಗ್ ಆನಿ೦ ಫಿರ್ಗಜ್ ಕುಟ್ಮಾ೦ ಹಿತಾ ಸಮಿತಿಚೆ೦ ಸಾ೦ದೆ
