“ದೀಸ್ ತೊ ಸಂತೊಸಾಚೊ, ದೀಸ್ ತೊ ಸಂಭ್ರಮಾಚೊ”. ಸಬಾರ್ ತೆಂಪಾ ಥಾವ್ನ್ ರಾಕೊನ್ ಆಸಲ್ಲೊ , ದೀಸ್ ತೊ ಆಯ್ತಾರ್ 2026, ಮೇ ಮಹಿನ್ಯಾಚಿo 3 ತಾರೀಖ್ ವಿಗಾರ್ ಬಾಪ್ ರೋನಾಲ್ಡ್ ಮಿರಾoದಾ ಸಂಗಿ ಸರ್ವ್ ಫಿರ್ಗಜ್ಗಾರಾಂನಿ ಏಕಾ ಮನಾಚಿ ಆನಿ ಏಕಾ ಕಾಳ್ಜಾಚಿ ಜಾವ್ನ್ "ಫಿರ್ಗಜ್ ಸಮುದಾಯ್ ದಿವಸ್" ಆಚರಣ್ ಕೆಲೊ.
ಸುರ್ವೆರ್ ಸಮುದಾಯ್ ದಿಸಾಚೆ ತರ್ಫೆನ್, ವಿಗಾರ್ ಬಾಪಾನಿo ಸಾಂಜೆರ್ 3.30 ವರಾರ್ ವಾಡ್ಯಾವಾರ್ ಬೈಬಲ್ ಕ್ವಿಜ್ ಸ್ಪರ್ಧೊ ಮಾಂಡುನ್ ಹಾಡ್ಲೊ. ಹ್ಯಾ ಸ್ಪರ್ಧ್ಯಾಂತ್ ಆಟ್ ವಾಡ್ಯಾಚ್ಯಾನಿಂ ಸಕ್ರಿಯ್ ರೀತಿನ್ ಭಾಗ್ ಘೆವ್ನ್ , ಪಯ್ಲೆಂ ಸ್ಥಾನ್ : ಹಾಲೆಕೊಡಿ, ದುಸ್ರೆಂ ಸ್ಥಾನ್ : ಹನೆಹಳ್ಳಿ , ತಿಸ್ರೆಂ ಸ್ಥಾನ್ : ಬೆಣ್ಣೆ ಕುದ್ರು ವಾಡ್ಯಾಚಾನಿ೦ ಆಪ್ಣಾಯ್ಲೆ೦.
ದೆವಾನ್ ಆಮ್ಚೆರ್ ವೊತಲ್ಲ್ಯಾ ಕುರ್ಪೆ ದೆಣ್ಯಾ ಪಾಸತ್ ಅರ್ಗಾ ಬಲಿದಾನ್ 4.30ವರಾರ್ ಆರಂಭ್ ಜಾಲೆ . ಆಮ್ಚ್ಯಾ ವಿಗಾರ್ ಬಾಪಾ ಸವೆಂ, ಕುಂದಾಪುರ್ ಸೈoಟ್ ಮೇರಿ ಪಿ.ಯು ಕೊಲೇಜಿಚೊ ಪ್ರಿನ್ಸಿಪಾಲ್ ಬಾಪ್ ರೊಲ್ವಿನ್ ಫೆರ್ನಾಂಡಿಸ್ ಪ್ರಧಾನ್ ಯಾಜಕ್ ಜಾವ್ನಾಸ್ಲೆ . ತಾಣೆ೦ ಮಾಯಾ ಮೊಗಾನ್ ಎಕ್ವಟ್ಭರಿತ್ ಸಮುದಾಯ್ ಬಾಂದುನ್ ಹಾಡುಂಕ್ ಸಂದೇಶ್ ದಿಲೊ.
ಸಮುದಾಯೆಚ್ಯಾ ಮುಕ್ಲ್ಯಾ ಕಾರ್ಯಾಂತ್ ಭಾಗ್ ಘೆಂವ್ಕ್ ಸೌಹಾರ್ದ ಹೊಲಾಂತ್ ಥಂಡ್ ಪೀವನ್ ಸೆವ್ನ್ ಸಾಂಗಾತಾ ಜಮ್ಲ್ಯಾಂವ್. ಮರಿಯಾಳ್ ಸೊಡಲೆಟಿಚಾ ಭುರ್ಗ್ಯಾನಿಂ ಪ್ರಾರ್ಥನ್ ನೃತ್ಯಾ ಮುಖಾಂತ್ರ್ ದೇವಾಚಿ ಸಹಾಯ್ ಮಾಗ್ಲಿ. ಸವ್ (6 )ವಾಡ್ಯಾಚ್ಯಾಂನಿ ನಾಟ್ಕುಳೊ ಆನಿಂ ನೃತ್ಯ ದ್ವಾರಿ ತಾಣಿ೦ ಅರ್ಥಾಭರಿತ್ ಪ್ರದರ್ಶನ್ ಪ್ರಸ್ತುತ್ ಕೆಲೆ.
ಉಪ್ರಾಂತ್ ವೆದಿ ಕಾರ್ಯೆಂತ್ ಫಾದರ್ ರೊಲ್ವಿನ್ ಫೆರ್ನಾಂಡಿಸ್ ಬಾಪಾಂಕ್, ಮಾನ್ ಬಾಗ್ವೊನ್ ಉಪ್ಕಾರಿ ಮನಾನ್, ಆಮ್ಚಾ ವಿಗಾರಾ ಬಾಪಾಂನಿ ಗೊವ್ಳಿಕ್ ಮಂಡಳಿಚಾ ಹುದ್ದೆದಾರಾ ಸಾಂಗಾತಾ ಸನ್ಮ್ಮಾನ್ ಕೆಲೊ. ಶ್ರೀಮತಿ ಇವೆಟ್ ಪಿಕಾರ್ಡೊನ್ ಫಾದರ್ ರೊಲ್ವಿನಾ ವಿಶ್ಯಾಂತ್ ಉಲೊವ್ನ್ ತಾಂಕಾ ಬರೆಂ ಮಾಗ್ಲೆಂ.
ವಿಗಾರಾಂಚಾ ಮಾರ್ಗದರ್ಶನ ಪರ್ಮಾಣೆಂ, ಫಿರ್ಗಜೆಂತ್ ಸೆವಾ ದಿಲ್ಲ್ಯಾ ಸರ್ವ್ ಗುರ್ಕಾರಾಂಕ್, ಗೊವ್ಳಿಕ್ ಆಯೋಗಾಚೆ ಸಂಯೋಜಕಾಂಕ್, ಕಾರ್ಯದರ್ಶಿಂಕ್, ಉಪಾಧ್ಯಕ್ಷಾಂಕ್ ತಾಂಚಿ ಸೆವಾ ಮಾನುನ್ ಘೆವ್ನ್ ತಾಂಕಾ ಗೌರವ್ ಪಾಠವ್ನ್ ಸನ್ಮಾನ್ ಕೆಲೊ.
ಉಪ್ರಾಂತ್ ಅಪ್ಲ್ಯಾ ಯಾಜಕೀ ದೀಕ್ಷಾಚ್ಯಾ 30 ವರ್ಸಾಚ್ಯಾ ಹುಂಬ್ರಾರ್ ಆಸ್ಚ್ಯಾಆಮ್ಚಾ ವಿಗಾರ್ ಬಾಪಾಂಕ್, ತಾಣಿಂ ಆಮ್ಕಾಂ ದಿಂವ್ಚ್ಯಾ ಆತ್ಮಿಕ್ ಸೆವೆಕ್, ಫಿರ್ಗಜ್ ಗಾರಾಂ ಥಂಯ್ ಆಸ್ಚಾ ತಾಂಚಾ ಮೊಗಾಕ್, ಸರ್ವ್ ಫಿರ್ಗಜ್ಗಾರಾಂ ತರ್ಫೆನ್, ಉಪ್ಕಾರಿ ಕಾಳ್ಜಾನ್, ಘನಾನ್ ಅನಿಂ ಮಾನಾನ್ ಗೌರವ್ ಪಾಟವ್ನ್ ಸನ್ಮಾನ್ ಕೆಲೊ. ವಿಗಾರಾ ವಿಶ್ಯಾಂತ್ ಮಾನೆಸ್ತ್ ಜೆರಾಲ್ಡ್ ಗೊನ್ಸಾಲ್ವಿಸ್ ಉಲೊವ್ನ್ ತಾಂಕಾ ಅಭಿನಂದನ್ ಪಾಠಯ್ಲೆಂ. ತಶೆ೦ಚ್ಚ್ ವಿಗಾರ್ ಬಾಪಾನಿಂ ಅಪ್ಲಿ ಬೊಗ್ಣಾo ಉಚಾರ್ನ್ ಸರ್ವಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾನಾ ಪ್ರತ್ಯೇಕ್ ಜಾವ್ನ್ ವಿಶೇಷ್ ಮಿನತ್ ಕಾಡಲ್ಲ್ಯಾ ಉಪಾಧ್ಯಕ್ಷ್ ಮಾನೆಸ್ತ್ ಜೋಸೆಫ್ ಫೆರ್ನಾಂಡಿಸ್ ಚೊ ಉಪ್ಕಾರ್ ಬಾವುಡ್ಲೊ.
ಸಮುದಾಯಾ ದಿಸಾಚ್ಯಾ ಖರ್ಚಾ ಖಾತಿರ್ ರುಪಯ್ 5,000/ ಆನಿ0 ಚಡಿತ್ ದಿಲ್ಲ್ಯಾಂಕ್ , ವಿಗಾರ್ ಬಾಪಾನಿಂ ಮಾನಾಚಿ ವಾತ್ ದಿಲಿ. ತಸೆಂಚ್ ಬೈಬಲ್ ಕ್ವಿಜಾಂತ್ ಜಿಕ್ಲ್ಯಾಂಕ್ ಇನಾಮಾ ವಾಂಟ್ಲಿಂ.
ಗೊವ್ಳಿಕ್ ಆಯೋಗಾಚೊ ಸಂಯೋಜಕ್ ಮಾನೆಸ್ತ್ ಜೋಸೆಫ್ ಎಲಿಯಾಸ್ ಫೆರ್ನಾಂಡಿಸಾನ್ ಸರ್ವಾಂಚೊ ಉಪ್ಕಾರ್ ಬಾವುಡ್ನ್ ಧನ್ಯವಾದ್ ಅರ್ಪಿಲೆಂ. ಹೆಂ ಸರ್ವ್ ಕಾರ್ಯಕ್ರಮ್ ಶ್ರೀಮತಿ ಸಬಿತಾ ಫೆರ್ನಾಂಡಿಸಾನ್ ಚಲೊನ್ ವ್ಹೆಲೆಂ. ಫಿರ್ಗೆಜೆಚ್ಯಾ ಕಾರ್ಯದರ್ಶಿ ಮಾನೇಸ್ತಿಣ್ ಸಬಿತಾ ಪಿಕಾರ್ಡೊ ಆನಿ೦ ಗೊವ್ಳಿಕ್ ಮ೦ಡಳಿಚ್ಯಾ ಸಾoದ್ಯಾನಿo ಸಾ೦ಗಾತ್ ದಿಲೊ.
ಉಪ್ರಾಂತ್ ಫಿರ್ಗ್ ಜೆಚಾ ಘರ್ಚಾ ಪಾಟ್ಲ್ಯಾ ಕುಶಿನ್ ರಾಂದ್ಪ್ಯಾನಿಂ ರಾಂದುನ್ ತಯಾರ್ ಕೆಲ್ಲ್ಯಾ ರುಚಿಕ್ ಸನ್ನಾ ಮಾಸಾಚೆಂ ಜೆವಾಣ್ ಸಂತೊಸಾನ್ ಜೆವ್ನ್, ಅಖ್ರೆಕ್ ಬಾಯ್ಲಾ ನಾಚಾಂತ್ ಯುವಜಣಾಂ ಸಂಗಿ ಫಿರ್ಗಜಾಗಾರಾಂನಿ ಮೆಟಾ೦ ಮೆಳೊವ್ನ್ ತೊ ದೀಸ್ ಸಂತೊಸಾನ್ ಎಕ್ವಟ್ಪಣಾಂಚ್ಯಾ ಸ್ಪಿರಿತಾನ್ ಸಂಭ್ರಮ್ಲೊ. ಸರ್ವ್ ಫಿರ್ಗ್ ಜ್ಗಾರಾಂಚೆಂ ಮೆತೆರ್ ಪಣ್ ದಿಸೊನ್ ಆಯ್ಲೆಂ.
